Tual Khan Suan(Suanpi)
Leitung ah minam a tamna zui in pau nam zong tampi tak mah om hi. Mr.Gray a kici kampau lam a siam mipil pa in a ciaptehna sung pan leitung ah pau neu nonote kihel lo in a kithei tham kampau nam (2796) val om hi, ci hi. Tua kampau nam (2796) sung pan America khuamualpi ( America continent) a teng Red Idian minam te kampau nam (1000) val, Africa khuamualpi ( Africa continent) sung a teng Negro minam te kampau nam (500) val, Australia, New Guina,leh Pacific tuipi sung a om tuikulh neu te sunga teng minam te kampau nam (500) val leh Asia khuamualpi (Asia Continent) sung a teng minam te kampau zat nam tuamtuam te hi, ci'n nampi li in na khen hi.
Leitung ah kampau nam a tam mahmah hangin leitung mite sum bawlna (economic), galvai (war), gam leh nam vai (politics), ngeina vai (cultures) leh nisim nekzonna (social life) a kizang kampau nam pen nam (100) sang in tam zawlo hi. English, French, German, Spanish, Portuguese, Russian, Italian, Chinese, Japanese cih bangte tawm bang pau thei peuh leng, leitung koi mun cih omlo ki zin kawikawi thei a, mi tawh kizopna ki nei thei hi.
Mihingte khat leh khat kizopna dingin pautaang (common language) pen kisam mahmah hi. Pau (language) nam khat pen kikhel lo in a pum khawlcip hi lo in, a hun zui in kikhel to den hi. Gentehna in a beisa hun a Tedim pau leh tu hun Tedim pau pen a awluan zia, kammal lawh zia leh a deihna te kikhel to in ki lamdan na tampi tak om hi.Zomi te sung pan pautaang (common language) pen tuni ciang dong om nai lo hi. Mailam ah Zomi khempeuh namdang pau kawmlo in i ki hopih theih ding i lam-etna leh i lunggulhna ahi hi.Tu laitak hun a Tedim pau kici kampau pen a omsa kampau hi lo in, Tedim khua sung a teng Zote, Simte, Gangte, Thahdo, Guite leh kampau tuamtuam zang mite a ten khopna pan hong piang khia kampau hi, ki ci hi. Tua a hih manin mailam ah Zomi namte pautaang dingin Tedim pau, Haka pau, Falam pau, Duhlian pau leh kampau tuamtuam te kigawmin kampau dang khat hong piang ding lam-etna i nei hi.
Pau (language) i cih pen lai (literature) tawh kibang lo a, kilam dang ahih lam zong i mang ngilh loh ding a hihi. Lai (literature) pen pau (language) i aw-suak (sound, phonetic) te bulphuh a ciapteh na namkhat hi lel hi. Izipt mite, Sen mite, Mesopotamia minam te in a beisa kum sawtpi lai pek in tua bang aw suak, aw kaih zui in lai na bawl khin zo ta uhhi. Minam tampi te’n zong ( Zomi te zong ki hel hi) a beisa kum sawt nailo hunlai in kampau tampi te bulphuh in lai na bawl khinta uh hi.Ahi zongin minam neu tampi te a dingin kampau bulphuh in tu hun ciang dong lai ki bawl khia zo nailo zong om lai hi. Pau ( language) nam khat pen lai (literature) in a ki gelh khiat ciang in a tuamtuam ki gelh khia thei hi. Gentehna: Hindustani pau pen Hindu biakna bia mite in Diwanagari laimal (alphabet) zang in gelh khia uh in "Hindi" ci’n minvawh uh a, Muslim biakna bia mite'n Arabic laimal tawh gelhkhia in "Urdu" ci’n min vawh uh hi.
Minam pawlkhatte in i minam pau pen pau theih leh i lai gelh theih ding a baih lam hangin minam pawlkhatte a dingin i minam pau leh lai pau theih, gelh theih ding a hamsa mahmah zong om thei hi. Gentehna; ei Zomite a dingin i pau pen pau theih ding leh i lai i gelh theih ding hamsa lo hi. Ahi zongin Sen minamte (Chinese) a dingin a mau pau pen pau theih ding a hamsat luat loh hangin a lai uh sim theih ding leh gelh theih ding pen hamsa hi. Tua bek hilo in Sen mite sungah Sen gam saklam pau, Xianxu kampau, Yunan kampau, Xianxi kampau, Fuxian saklam kampau,Fuxian khanglam kampau leh Kundong kampau cih bang in kampau nam tampi om ahihman in kampau khat leh khat ki theih ding zong baihlo lai hi. 1949 kum khit teh Sen (China) gamah Socialism tawh vaihawm in gam lamkhiatna ah a manlang nang in Sen kumpi’n Sen mite lai gelh theih, sim theih ding a ki sapna thei ahihman in tangpi tangta theihbaih ding in Sen lai na bawl kik uhi.
Zomi te sungah zong kampau (dialect) tuamtuam a om mah bang in lai malgawm zia zong a tuam tampi om hi. Gentehna in Kawlgam sunga om Zomi te in mi min “Cin” ci a gelh pen India gam sunga om Zomite in “Chin” ci’n na gelh uhhi. Zomi te sungah pautang (common language) a kisap mah bangin laitaang (common literature/script) neih ding zong kisam hi. Laitaang nei le hang mun leh mual tuam a kampau ki thei lo a, a ki ho theilo u leh nau tampi te lai tawh ki zom thei veve ding hi. Laitaang pan in pautaang hong pian khiat ding zong lam et huai hi.
August 24,2001
Leitung ah minam a tamna zui in pau nam zong tampi tak mah om hi. Mr.Gray a kici kampau lam a siam mipil pa in a ciaptehna sung pan leitung ah pau neu nonote kihel lo in a kithei tham kampau nam (2796) val om hi, ci hi. Tua kampau nam (2796) sung pan America khuamualpi ( America continent) a teng Red Idian minam te kampau nam (1000) val, Africa khuamualpi ( Africa continent) sung a teng Negro minam te kampau nam (500) val, Australia, New Guina,leh Pacific tuipi sung a om tuikulh neu te sunga teng minam te kampau nam (500) val leh Asia khuamualpi (Asia Continent) sung a teng minam te kampau zat nam tuamtuam te hi, ci'n nampi li in na khen hi.
Leitung ah kampau nam a tam mahmah hangin leitung mite sum bawlna (economic), galvai (war), gam leh nam vai (politics), ngeina vai (cultures) leh nisim nekzonna (social life) a kizang kampau nam pen nam (100) sang in tam zawlo hi. English, French, German, Spanish, Portuguese, Russian, Italian, Chinese, Japanese cih bangte tawm bang pau thei peuh leng, leitung koi mun cih omlo ki zin kawikawi thei a, mi tawh kizopna ki nei thei hi.
Mihingte khat leh khat kizopna dingin pautaang (common language) pen kisam mahmah hi. Pau (language) nam khat pen kikhel lo in a pum khawlcip hi lo in, a hun zui in kikhel to den hi. Gentehna in a beisa hun a Tedim pau leh tu hun Tedim pau pen a awluan zia, kammal lawh zia leh a deihna te kikhel to in ki lamdan na tampi tak om hi.Zomi te sung pan pautaang (common language) pen tuni ciang dong om nai lo hi. Mailam ah Zomi khempeuh namdang pau kawmlo in i ki hopih theih ding i lam-etna leh i lunggulhna ahi hi.Tu laitak hun a Tedim pau kici kampau pen a omsa kampau hi lo in, Tedim khua sung a teng Zote, Simte, Gangte, Thahdo, Guite leh kampau tuamtuam zang mite a ten khopna pan hong piang khia kampau hi, ki ci hi. Tua a hih manin mailam ah Zomi namte pautaang dingin Tedim pau, Haka pau, Falam pau, Duhlian pau leh kampau tuamtuam te kigawmin kampau dang khat hong piang ding lam-etna i nei hi.
Pau (language) i cih pen lai (literature) tawh kibang lo a, kilam dang ahih lam zong i mang ngilh loh ding a hihi. Lai (literature) pen pau (language) i aw-suak (sound, phonetic) te bulphuh a ciapteh na namkhat hi lel hi. Izipt mite, Sen mite, Mesopotamia minam te in a beisa kum sawtpi lai pek in tua bang aw suak, aw kaih zui in lai na bawl khin zo ta uhhi. Minam tampi te’n zong ( Zomi te zong ki hel hi) a beisa kum sawt nailo hunlai in kampau tampi te bulphuh in lai na bawl khinta uh hi.Ahi zongin minam neu tampi te a dingin kampau bulphuh in tu hun ciang dong lai ki bawl khia zo nailo zong om lai hi. Pau ( language) nam khat pen lai (literature) in a ki gelh khiat ciang in a tuamtuam ki gelh khia thei hi. Gentehna: Hindustani pau pen Hindu biakna bia mite in Diwanagari laimal (alphabet) zang in gelh khia uh in "Hindi" ci’n minvawh uh a, Muslim biakna bia mite'n Arabic laimal tawh gelhkhia in "Urdu" ci’n min vawh uh hi.
Minam pawlkhatte in i minam pau pen pau theih leh i lai gelh theih ding a baih lam hangin minam pawlkhatte a dingin i minam pau leh lai pau theih, gelh theih ding a hamsa mahmah zong om thei hi. Gentehna; ei Zomite a dingin i pau pen pau theih ding leh i lai i gelh theih ding hamsa lo hi. Ahi zongin Sen minamte (Chinese) a dingin a mau pau pen pau theih ding a hamsat luat loh hangin a lai uh sim theih ding leh gelh theih ding pen hamsa hi. Tua bek hilo in Sen mite sungah Sen gam saklam pau, Xianxu kampau, Yunan kampau, Xianxi kampau, Fuxian saklam kampau,Fuxian khanglam kampau leh Kundong kampau cih bang in kampau nam tampi om ahihman in kampau khat leh khat ki theih ding zong baihlo lai hi. 1949 kum khit teh Sen (China) gamah Socialism tawh vaihawm in gam lamkhiatna ah a manlang nang in Sen kumpi’n Sen mite lai gelh theih, sim theih ding a ki sapna thei ahihman in tangpi tangta theihbaih ding in Sen lai na bawl kik uhi.
Zomi te sungah zong kampau (dialect) tuamtuam a om mah bang in lai malgawm zia zong a tuam tampi om hi. Gentehna in Kawlgam sunga om Zomi te in mi min “Cin” ci a gelh pen India gam sunga om Zomite in “Chin” ci’n na gelh uhhi. Zomi te sungah pautang (common language) a kisap mah bangin laitaang (common literature/script) neih ding zong kisam hi. Laitaang nei le hang mun leh mual tuam a kampau ki thei lo a, a ki ho theilo u leh nau tampi te lai tawh ki zom thei veve ding hi. Laitaang pan in pautaang hong pian khiat ding zong lam et huai hi.
August 24,2001
