Proportional Representation (PR) Electoral System i cih bang hiam?

Proportional Representation (PR) Electoral System i cih bang hiam?

Kitelna pen a tel mipi (voters) in a mau tang in a pang (nasem) ding a muan pen mite a tel khiatna hi cih pen mi kim in a theih khitsa a hihi. A tel mipite i deihna a hih leh a mau tel mi in ngah henla, a mau tang in ma pang (nasem) leh cih a hihi. A hizongin kitelna i cih pen a ngah om a, a ngahlo om ding cih pen theihsa thu hi leuleu hi. Khat veivei a tel mipite in a mau deih tel mi in a ngah loh ciangin a mau tang a pang (represent) ding mi omlo leh a mau i deihna (will) pen ki nawl khin hi ci’n thuak thei uhhi. Tua a hih man in, Democracy gam ah a kinawl khin bang a thuak mi a tawm theithei ding leh a tel mite i deihna a tam theithei a kimuh khiat theihna ding kitel zia (electoral system) a kizong kawikawi ahihi. Democracy gam sunga kizang kitel zia sung pan in sehhawm tangmi panna (Proportional Representation -PR) kitel zia thu tawm khat i taklang ut hi.

Khuado-2021 Kuala Lumpur

Khuado tawh kisai in, Kammal (6) bulphuh in thu kong gen nuam hi.

Tua Kammal pen “KHUADO” hi.

K= King and Kinship

King= Kumpi leh Rule

š 1896 ma ciang ei leh ei ki-uk, leh ukna thu nei minam i hihi. 

š 1947 kum ciangin Kawl tawh kipawl pan hang a, Kawl ukna nuai ah a tung pan hi hang.

š 1974 kum ciangin Chin State cih gamke a ngah pan hi hang.

š Chin State sung ah thu neihna, a ngah zo nawnlo; ukna a nei zo nawnlo hi hang.

Kinship= Blood Relation

š U leh nau, beh le phung nei, gui leh zam nei minam i hihi.

š Sisan kizopna a thupi ngaih sut mahmah i hihi.

(A hoihna zong om, a hoih lohna zong om)

š Sisan kizopna pen biakna vai, minam vai ah kizang thei lai hi.

š Khua leh tui lungsim nei mahmah minam i hihi.

H= History

š Tangthu cih ciangin, a beisa hun a tua minamte thu khempeuh huam hi. 

š Nuntak zia, nek zon zia, ngeina leh lai, kampau khempeuh huam hi.

U= Unity

Ki pum khatna, ki lom khopna a thupi sak minam hi hang.

š A kipum khat minam hi ngei hang. 

š Inn sak inn khang leh khuasung vai ah a tangpek lo, thu a kikum Khawm minam hi hang. 

š Innkuan Nu le pa tawh a teng khawm minam hi hang.

š Hausa in, kuppih nei, thu leh lai vai hawm khawm, kipaawl a thu gel hi.

A = Attack the devil

š “Siatna leh hoih lohna, dawi sia kau sia a do khia leh a hawl khia minam hi hang.

š Khua sung, minam sung a sia sak ding te hawl khiatna hi.

š Minam a dingin gal a do hihang. 

š Devil siatna bul phuh khempeuh do khia hi. 

š Khuasung ah siatna a tun thei ding vaite do kik hi.

D= Democracy

š Ki ukna pen Mipi tawh Kikum

š Hausa in khua do bawl ni ding zong khuapih tawh kikum

O= Offering and Obedience

š Biakpiakna a pia minam hi hang. Pusa leh Pasa a bia, minam. Tu hun teh Pasian a bia minam hi hang. 

š Obedience thumanna a nei mimal. 

š Nu le pa thumang, Uzaw te zahtakna leh thumanna a nei te hi hang 

Thu tawpna ah,

Kipawlna vai/ Minam vai

Kipawlna tampi om thei hi. A hizongin “Minam kipawlna” leh a dang kipawlna om hi.

Khua leh Tui, Beh leh Phung vai Ultung sak lua kei ni. (ULTUNG- thupi saklo ding hilo)

Beh vai tawh “Khua le Tui” vai kihawm lo; “Khua leh Tui vai tawh minam leh gam vai ki hawm zolo hi.

Mimal pan Innkuan kipan, Innkuan pan beh vai, Beh pan Khua leh tui vai, khua leh tui vai pan minam vai a hi a, a kiban zopna zia tel siam ni. 

Pawlpi vai tawh Minam vai kihawm zolo hi. (Pasian leh Pawlpi tel khial kei ni)

Siatna a piang sak Media zatna leh Mimal ki lang-bawlnate a bei na dingin khuado dawi sia a kihawl khiat bangin hawl khia ni.

October 14, 2021

Ngeina leh Khuado- 2021 Khuado Thu genna

Khuado Pawl Thu genna

Tulsa, OK. USA

“Ngeina leh Khuado”

Dam maw, Zomi a kuamah peuh!

Tuni in hih bang mun ah hun hoih hun pha hong pia i biak Pasian tungah lungdam ka ko masa hi.

Tua khitteh, Zomi Innkuan OK sungah makaite, vaihawm upate leh mipi khempeuh, tu ni a hong pai pawi hong sim mi khempeuh leh online pan a en mi khempeuh tungah ka lungdamna hong ko ing. 

(Zomi Innkuan USA- ZIUSA na ah tha hong pia, a diak in Tedim meiset leina ding ah ma i pan khopna hangin lungdam ing. Tua ban-ah kum 2022 teh Zomi Khawmpi USA pen Tulsa, OK ah kibawl ding hi.)

Tuni in note khempeuh tungah kong gen ding thu in, “Ngeina leh Khuado” cih thulu tawh kong gen ding hi. 

“Ngeina” i cih pen Mihon khat i “nuntak khosakna ah a zat khop thu a hi, thucin (Values), leh thuzuih (belief) a kipan, thu ngaihsut zia, kizop zia, kampau luhek zia, ciamnuih genzia” dong a huam a hihi. 

“Mikangte ciam nuih gen thute khong ah ei pawl pen i nuih za kholloh na pen, i ciamnuih ngeina dan a kibat loh man a hihi. 

Mikangte in khut zan in hong sap teh khutpek thal ngat in hong sam uh hi. Kawlgam ah khut pek khup ngat in hong kisam hi. (Mikangte hong sapna pen Kawlgam lam ngeina dan in a sang hi leng, kitona tawh kibang hi).

U zaw te u ci in sapna zang ngeina nei te i hihi. Mikangte a min pi mah tawh kisam lanlan hi. Phamawh sa lo lel uhhi. Hih pen i ngeina kibat lohna hang a hihi. 

USA leh gam pawlkhat bangah sang naupangte in a siate uh bek lai hilh thei dingin koih uhhi. Sang naupang pawlkhat bang a nu le pa in lai hilh leh Lai hilh theihna ding license na nei hiam ci thei uh hi. (Hih te pen ngeina zatzia kibat lohna hang a hihi.)

 “Ngeina” cih thulu tawh kong gen ding tak ciangin- Khen neu (3) in kong khen nuam hi.