By Suang Dal
Pau Cin Hau Kua hiam? (Who is Pau Cin Hau?)
Pau Cin Hau pen Ciimnuai Zomi khat hi. 1859 kum in Tedim khua ah suak hi. Pau Cin Hau's Lai (or Laipian Lai) i cihcih pen a mukhia pa hi. Laipian biakna pen Tedim gam le Tonzaang kuam tengah om hi. Dawi thoih zuihna tawh a nungta a kangto mite' lak ah amah zong khat ahi hi. 1888 pan 1902 hunsung tengin a ci nana-a, dawi a thoihthoih hangin damthei lo hi. Baal kamsangte' dawi thoih mah bang lel hi.1902 kum in kha (spirit) khat in Zomite' Lai ding 'laimal' honkhat pia hi ki ci hi. A muhkhiat laimal pen 1050 pha in Zopau awkaihte gelhkhiat theihna dingin kicing hi ci uh hi. A kum kik leuleu ciangin muhcian-lohna (maangmuhna) khat ngah leuleu hi. A maangmuhna sungah mi khat Ni (SUN) tungah tuangin sakol hawl bangin hawl in, a vaang tang pha mahmah hi ci hi. Tua Ni a hawlpa in Pau Cin Hau kiangah kei nong bia diam ci-in a dot leh Pa Hau in zong tua ahih leh nang kua na hiam ci in dong kik hi. Tua ciangin Ni sakol hawl-a a hawl pa in Pa Hau kiangah "Kei pen vantung leinuai, ni, kha, aksi a bawl pa le cina damsak thei pa ka hi hi" a cih ciangin Pau Cin Hau (Pa Hau) in zong tua Pasian muang in biak ki pan hi. Tua hun a, ki pan in ngeina lui sung-a dawi thoih thuzuihna nusia in, Pasian biak ki pan a, dawlkhat (step) khat khangto cih ding hi.
Ngeina le khuasakzia i cih bang hiam?(What is Contextualization? )
Text to context? or Context to text? Pasian thu maw mihing thu? Pasian thu i cih bang? what is theology? Pasian thu i cih teh Pasian thuthu Pasian cih bangbang cihna hi-a, kei ma cih bangbang Pasian in zong ci hi cih bangdan hi lo hi. (Nang' thu kei' thu, kei' thu kei' thu) cih bangdan hi lo hi. Pasian kua bawl? Kawlte' bawl. Kawlte kua bawl? Pasian bawl cih bangdan zong hilo hi. Tuate pawlpen Pasian thu theology hi lo hi. Mihing ki laitaatna sung-a Pasian thu pen Contextual Theology hong suak hi.
Mihingte bang sungah ki laitaat?
Mihingte in i ngeina ki laitaat in i khuasakzia sungah a ki bualbual te ihi hi.
Ngeina le Khuasakzia (Tradition and Culture)
Tradition cih teh i ngeina hi-a, luahsuk mawhna namdaan ahi hi. Culture cihteh minam tuamtuamte' khuasakzia tuamtuamte ahi hi. Tua sungah ki niamkhiatna ki puahphatna le itna cihte ki hel hi. Minam khat ii thupitna (dignity) a lakkhia thei pen Culture ahi hi. Culture in Christianity: Jesuh hong tatkhiatna lungdamna sung-a khuasakzia (culture) pen Zo ngeina lui sung-a culture tawh ki lamdang ki keelki in ki lemlo hi. ( Note: I khiat nop daan ki banglo thei). Zomite pen Zozu, zuning le zuhaa cihte tawh a khangto khawm ngeite ki hi in zong ki hi lai hi. Zong ki hi toto lai mai thei. Laipiante in Zozu cih teh khat le khat hong ki it sak hong ki lawmta sak ci lian uh hi. Zo cihteh Zomite hi-in Zu cih teh tua zu in hong zuuntuah ci uh hi. Ngeina bang a khuasa nuam taktak te aadingin Laipian suah kaan omlo hi. Tu in i ngeina sungah Laipiante bek in Zozu tawh khuasa lai uh hi. Zomi khangno te ngeina khat pen zu i dawn teh a hoihbek thei lo in, laklawh deuh vaw a cidente ki hi ngei-a, zong ki hi lai in, ki hi suak suak lai ding hi. Tua pen Zomi zudawnte i luahsuk ngeina khat hi ngeina lui khuasakzia ii LIM (sign) khat ahi hi. (Luahsuk mawhna). Tua ahih manin a kidawm theilo Zomite aadingin Zu dawn kikkik nawnlo Christian cih ahoih pen ahi hi.
Ngeina lui le ngeina thak
Ngeina thak khuasakzia sungah ngeina lui khuasakzia a laih dingin topa Cope or Khup topa (Not Khup Do' Pa) in a hanciam laitak in, Magui Mangkang ukpi pa le galkap bu Bern in "Zomite christian a suahnop mahmah lai tak in tua a Zozu dawn ngeina khuasakzia na kham uh pen Christian suak nuam Zozu dawn mite aadingin lingdaai a kaai tawh ki bang uh teh" ci in mawhsak uh hi. (Theihding: Gamkeek Mangkangte a tamzaw pen RC te vive hi). A hi zongin Newyork pan in gamsung gampua biakna vai tawh kisai lai-at (secretry) a sem Dr Robin tung panin "Leitung bup in hih khamtheih guih theih ii hoihlohzia a lipkhap mahmah laitak in, ngeina lui khuasakzia khaktanna nasep na tawp ki uh leh bui a phak kuan-a tawp a cih tawh ki bang ding hi" cih lai-khak a ngah teh Cope topa le sia Strait te in thangah kik mahmah uh hi.
Zozu le a behte
Zozu ii tanau bulpi teng in, Zuning, zuhaa, zuhang cihte hi-a, a beh bulpi teng ahih leh kanzaa, zaa, beng, tuibuk le dummuante ahi uh hi.
Pau Cin Hau thupomzia
1931 kum in Tedim gam pan Pau Cin Hau pawl te in India gam a Britist Weslyan Mission te' kiangah Zogam ah chirstian biakna hong ki pan suk un ci in lai khak uh hi. Britist Weslyan Mission Secretry pa in zong Cope leh Strait te tungah hi a nuai-a bangin Pau Cin Hau pawlte' ngaihsutna pulaak sak uh hi.
"Pau Cin Hau pawlte in Christian ka suah nop uh hang Zozu dawn ding American Missionaries te'n kham uh hi. Zozu le a pawlte a dawn a zang peuh mah pawlpi mi in sang lo uh hi. Ko pen Zozu dawn ka ngeina uh hi-a ka ngeina uh tawh Pasian a bia nuam te ka hih man un hih thukhamte hong khiap theih nading un no Britist Weslyan Missionaries te tungah kong ko uh hi hong ci uh hi. Ko zong hi bang a zu dawn na khaktan kikeuhna uh thukhunte tawm bang na khiapsuk dinguh no Tuiphumte kong kup bawl zel uh hang thukimna omlo ahih manin Zogam ah tuabang Pau Cin Hau' pawlte lunggulhte sem dingin hong kuansuk ta ding hi ung" ci-in Zogam-a American Tuiphum siate lai khak uh hi.
Ahi zongin 1932 April kha ni 8ni in Mandalay ah American Missionaries te pawl pan in Cope topa le sia Strait te in Weslyan Missionaries pawlte tawh thu ki kupna nei uh hi. Cope topa in Biakna sungah zu dawm ngeina kham khin ka hih man un, Zu dawn zateep kiphal christian biakna hong ki pan mawk le-uh-cin buaihuai lua mahmah ding hi cih bandaan a pulaak uh ciang in Weslyan Mission pawlte zong Zogam ah kuantoh ding khawl kik in, Kawlpi kuam tengah a mission thupuak nasep uh behlap hi. (Tua ahih manin tu ni dong in Etlawm gamkuam Zogam nuam ah Weslyan biakna le biakinn om lo hi.) Hih in Pau Cin Hau contextualization (context to text) ii muibut lohna le Zomi Christian te' aadingin a ki tuak lo (irrelevant) thu muhzia ahih na hong lak tel LIM (sign) khat ahi hi.
For contextual theology, Pau Cin Hau was the first and the best man among the Zomi. (Therefore, brethren, be careful and be mindful!)
