Hillsong United (Church) nitum kuan

 

"What a beautiful name", "Shout to the Lord", cih late na zak ciang; Stage light color tuamtuam zangin hun thak (huihnunzia) music (contemporary music) kitum ziahziah na muh ciang, "Hillsong United" (Church) na mitkha ah hong luai kha ding hi.

1983 kum in Australia gam Sydney khuapi ah Brian Houston in pawlpi belh omlo saptuam (a non-denominational church)  pawlpi neu khat tawh a pat khiat Hillsong Church pen kum 30-40 sungin leitung gam tuamtuam gam (30) kim ah biak inn kibehlap in khangto uhhi. (Global Campus nei uhhi). US gam sungah pawlpi masa pen 2010 kum in New York City (NYC) ah nei uh a, Carl Lentz in Pastor sem hi. (US gam sunga khuapi lian San Francisco, Atlanta, Kansas City cihte ah pawlpi hon beh uhhi.).

Hun thak biakpiak zia (contemporary worship style) in khangnote bek hilo, mipi tampi huup a hih manin gamkang bangin kipehzak baih hi. Denomination tuamtuam (Baptist, Pentecostal, RCM cihte) dong ah hun thak biakpiak zia kilawh hi. Hunthak biakpiak zia pen paizia ngeina (tradition) cih bang omlo in, mikim in a mau lungsim a om dandan in biakna pia thei a hih manin, suahtakna a lunggulh mihing te in, sannop leh pomnop sa baih mahmah uhhi. A kikhawm cil mite in zong, "hih mun ding mah hi- I found home" cih bangin a cil lam teng ci kha pah liang thei uhhi.

Pawlpi khantohna ding ci'n, pawlpi min pen "Branding name" kisam cih Brian Houston in a gel ciangin "Hills Christian Life Centre" pan in "Hillsong United" cih min tawh minsel (branding name) zang uhhi. Gamsung ah mipi theih (celebrity) mite zanga mi zol ding (celebrity appeal) hanciam uh a, biak inn sung mi tunpih sawm uhhi. Pastor a semte zong mipi theih kisam (celebrity) hih ding hanciam uh a, Justin Bieber cih tawh pawl tawh kilim thuah mahmah uhhi. NYC a Hillsong biak inn a Pastor a sem Carl Lentz in celebrity mite tawh kithuah, a mah zong thu gen siam leh mihup (charismatic) mahmah a hih main media leh mipi theih pastor (celebrity pastor) cih ding khop in min dawk hi.

A hizongin, hih a nuai a thute hangin a minthang pastor (celebrity pastor) a hi Carl Lentz leh Brian Houston te in Hillsong United (Church) makaih zo nawnlo uhhi.

1.        Gamtat siatna leh lungsim siatna (infidelity and moral failures): Minthang khinta uh a hih manin a mau cih peuhpeuh pen style suak mawk hi. Mipi in zong a mau gamtat zia,luhek zia leh kampau zia peuh "hoih sa" mawk dinmun ah om uhhi. Gamtat luhek ah khial uh, nek leh dawn ah khial uh, lungsim ngaihsutna ah khial uh a, numei pasal vai ah zong gamta khial uhhi. A mau duhhop, huaihamna lungsim pen mipi in a thukim pih dingin gen zo uhhi.

2.        Makaih zia lawhsapna (Leadership Failures): Local pawlpi (local church) pen a mau i sum zonna business neihsa bangin koih uh a, pawlpi metna ding (a mau mimal metna ding a gelsak leh a semzo ding mite bek (company a ding a sem zo mite bek nasep piak bangin) makai panmun len sak uhhi. Sumbawlna vaihawm zia (business world admintration) zang uh a, Company ki-uk zia (corporate leadership) tawh kalsuan in, Pastors te in a mau deih bangin (Company CEO bangin) panmun la uhhi. A seppih (or) a nuai a sem mite pen pau ngamlo dingin kamhum uhhi.

3.        Sum le pai zekna manlo (Financial misconducts): Mipi (pawlpi) mite citpiakna (donation), sawm-ah-khat (tithe) tawh pawlpi sungah sum lutte pen Local Pastor in a mah pen Chief financial officer hi pah a hih manin a ma deihna bangin zek hi. A ma mimal vanzat ding (personal property), inn le lo, mawtaw leh silh le ten ding leina ding a hong kipia hi, ci'n zang ziauziau uhhi. Cimawh meigong tagah pawlpi mite in Pasian itna tawh a khua-ul lung in a tha lawh sa uh sumpi leh sawm-ah khat pen Local Pastor in noptak in, tui zat in zang hithiat hi. Sydney a Hillsong biak inn a pawlpi mi khat bangin "Ka pastor pa (Brian Houston) i khat vei khual zin a, a sum zat khempeuh ke'n kum (10) ka thalawh khiat zah sangin tam zaw lai hi" ci zen hi. Pasian gam a ding paulap in huhna ki ngen a, mipite in "a neih sunsun – bilbah,tau, nai ci leh a silhlai na ngawn uh" hong piak khiat te uh a zatna manlo suak hi. Mipite sum tungah met dawk (exploitation) hi ci uhhi.

 

Kum 2020 kum in New York City (NYC) a Hillsong Campus ah a minthang mahmah Pastor Carl Lentz pen Australian gam Sydney khuapi a bulpi pan in kihawl khia hi. Pastor sem dingin cingtaak nawnlo sa uhhi. Tua tawh kizom in, mipi te in zong Pastor Carl Lentz gamtatna manlo- gamtat siatna leh lungsim siatna- mu khia ta uha hih manin a kikhopna uh nusia sia uh a, pawlpi kiam mang hi.

Kum 2022 kum leuleu ciangin Hillsong United (church) a phut khiat pan Pastor Brian Houston pen "numei pasal vai, sum le pai vai, makaih zia manlouh vai" cih bangin a manlohna pawlpi mi in mu khia a hih manin Pastor sepna pan a tawp dingin deih uhhi. A mah zong kisuang a hih manin a panmun pen in tawpna (resignation) ngen in khawl hi. A ma i gamtat khialhna leh lungsim khialhna pen kumpi thukhun om bangin a ma'n mai phu toto hi.

Tua thuteng tawh kizom to in, a beisa a Hillsong Global Campus a om pawlpi- Phoenix, Las Vegas, Kansas City, Atlanta, San Francisco khua a om Hillsong pawlpite in zong bulpi pan pusuak san uhhi. A mau leh a mau, eg. Story Church cih bangin tuam din uhhi.

 

December 28, 2025

 

 

 

 

--

Best and Regards

Tual Suan

UNITED STATES I GAMBEL MI SANNA TAWH KISAI NASEP ZIA DING BAWL KIKNA

(Unofficial Translation- Kilawm kituak a kilet hi)

(Unofficial Translation- Kilawm kituak a kilet hi)

UNITED STATES I GAMBEL MI SANNA TAWH KISAI

NASEP ZIA DING BAWL KIKNA

Thusa pawl thupiak (Executive Order)

January 20, 2025

 

Khualalna leh gammi hihna thukhun (INA), 8 U.S.C. 1101 et seq sung a kigelhte, thulu - title (3) khenneu- section 301 sung kigelhte ban-ah United States of America gam i thukhunpi leh ngeina dante (laws) in kei mah, gambup President tung a hong piak septheihna zangin thupiak hih mun pan in kong suah khia hi.

 

KHENPI 1. Tupna. A beisa kum 4 sung khempeuh USA gam sung pen US Refugee Admission Program (USRAP) tungtawn in pemta mite in genzawh loh zah dongin hong vukcip hi. Pennsylvania gamke Charleroi khua leh Ohio gamke a Springfield khuapi, Wisconsin gamke a Whitewater khuapite a kipan khuapi khuaneu khempeuh ah munlal pemta mite a kilang ziahziah in hong lutna uh kimu hi. New York, Chicago, leh Denver khuapi cihte in hih pemta mite hangin vangikpi a puakpih dingin gambup kumpi tung dongah huhna ngen uhhi. New York, Massachusetts cih bang munte ah, hih bangin pemta, khualal mite tam luatna hangin a mau thuneihna huam sungciang ah thukin vaihawmna (emergency) pulak in, om lai uh hi.

United States gam in pemta khualal mite a lomlom a huplut zawhna dingin tha omlo ban-ah, America mite dingin bulpi zatna (resources) supna a piang saklo ding, leh a diak in gambeel mite i bitna leh muanna a pia ding venna, leh a maute in a kilawm a kituak gawmtuahna a omna dingin panmun/siksan kician sak hi. Hih thupiak in gambel mite pen United States gam sung laklutna ding vai ah United States i metna tawh kituak hih cih thu a om mateng USRAP malakna pen dinkhawl sak hi.

 

KHENPI 2. Thumeilet. United States i thumeilet in, USRAP i vaihawmna ah gam mipi i bitna leh lungmuanna pen ngaihsutna sangpen a koih ding hanciamna leh, United States gam sungah a kilawm a kituak gawmtuahna a om zo ding gambel mite bek lak lut na ding leh, United States in a kipia siah a mau gam mite a dingin a khawlbit theihna ding a hihi. United States i policy hi lai khat in, thukhun leh ngeina dante phalna huamciang tawh, United States gam sungah gamdang mite gambel dingin a sanhuai-na leh inn mun logam piak theihna pen gamke leh tualsung ukna neite tungah thuneihna apna ahihi.

 

KHENPI 3. US Refugee Admission Program bawlkikna

(a)   INA Section 212 (f) leh 215(a), 8 U.S.C. 1182 (f) leh 1185 (a) zui leh zang-in, USRAP vaihawmna nuai a gambel mite lutsakna pen United States gam i metna a dingin lauhuaina hong tun thei hi, cih ka tangko hi. Tua a hih manin USRAP vaihawmna nuai a gambel mite United States sung lutna pen- hih sung a subsection (c) a kituam koihte in a huam khakloh teng leh hih thupiak section (4) sunga thukip muanhuai thu akimuh masiah- kidin khawlsak hi. Hih dinkhawlsakna thu pen January 27, 2025 zingsang nai 12:01 am eastern standard time pan kipan ding hi.

(b)  Hih thupiak section 4 na zui in thukip muanhuai muhna a om mateng gamsung bitna sai Vuanzi (Secretary of Homeland Security) in gambeel dinmun (status) ngahna ding a siahlu khempeuh thu khensatna pialo in dinkhawl sak ding hi.

(c)   Hih thupiak subsection (a) leh (b) zui in USRAP mabante a kidin khawl sak hangin Gampua Vuanzi (Secretary of State) leh Gamsung bitna Vuanzi (Secretary of Homeland Security) te in a mau hoihsakna pansan in United States ah gambel a siau mite a mau tangthu zui in sang thei ding uhhi. A hi zongin gamdang mite gambel a hong lutna uh sanna pen gambup metna ding leh minam bup i bitna (or) nopsakna a vaulau thei ding namte hilo ding hi.

(d)  Gamsung bitna Vuanzi (Secretary of Homeland Security) in Sitni Lianpen (Attorney General) tawh kikum, mapang khawm in gambel mite munpiakna leh saanna tawh kisai in tulai tak a kizang thukhunte pen gamke leh tualsung thuneihna te tawh a kituak leh a kituak loh enkik ding a, mapan khopna a om zawkna dingin gelna thak thusuna puak ding hi. Secretary of State, Secretary of Health and Human Services te in gambel mite United States ah sanna, laklutna pen 8 U.S.C. 1522(a)(2) zui a nasepna omna ding gamke leh tualsung ukna neite tawh kamkum in gelna leh ma panna pen peello in sem ding hi.

KHENPI 4. U.S. Refugee Admission Program maban zopkikna.

Hih thupiak a kizat ni a kipan ni (90) sungin USRAP i vaihawmna nuai a gambel mite United States gamsung ah sanna, laklutna pen hih thupiak section 2 tawh kituak in United States gam i metna ding a hih leh a hihlohna Secretary of Homeland Security in Secretary of State tawh kikum in Homeland Security Advisors te tungtawn in President tungah muhna (report) pia ding hi. USRAP i maban zopna pen United States gam a dingin metna hi zaw hi cih, ka khensat mateng Secretary of Homeland Security in Secretary of State tawh kikum in ni (90) hal ta-in muhna (report) hong puak ding uhhi.

KHENPI 5. Hepkhiat kikna (Revocation)

Kum 2021 February 4 ni a Executive Order 14013 (Gambel mite munkip piakna (resettle) bawlkikna leh a pem a lal mite tunga piang khuahun kiheina thute a ding kigin kholhna tawh kisai) pen hih thupiak in hem khia hi.

KHENPI 6. A tumtum a khen khiat na (Severability)

Hih thupiak sungah thukhil khatpeuh, (or) mi khatpeuh tungah a hi zongin, mun khatpeuh ah a hi zongin, a kizat theihlohna a om zenzen leh zong, hih thupiak sungah kigelh a cianlai thu leh a dang thute pen mi khatpeuh leh mun khatpeuh pen tuate in hetkha (affect) lo in kizang ding hi.

KHENPI 7. A TUAMTUAM (General Provisions)

(a)   Hih thupiak pen siatna ding a piangsak thei ding (or) tua bangin suksiat nopna a piang sak dingin kideih kaih theilo ding hi.

                        i.         Gam-ukna thuneihna a nei department (executive department) or agency (or) gam lutang tung a thukhun in a piang sep theihna zang in a hi zong

                      ii.         Director of the Office Management leh sum vai (budget), ukna vai (administrative) leh thukhun vai (legislative) tawh kisai vaipuak nasepna zang in ahi zong.

(b)  Hih thupiak pen a kizang lai thukhun tawh kituak in kisem khia ding leh, gelkholhna omsa leh geltawmna i hih zawhna zui in kisem khia ding hi.

(c)   Hih thupiak pen United States leh departments te, agencies or entities, ulian (officers) te, nasemte (employees) (or) palai (agents) (or) mi khatpeuhpeuh langpanna dingin party khatpeuh in metna ding, tuam hamphatna ding, paizai ding, thukhun pansan ding a zat ding ngimna hilo hi.

 

The White House,                   January 20, 2025