Tual Khan Suan
Kawlgam ah Phongyi te ( Monk) in September,2007 pan in kawl galkap kumpi tungah lungkim lohna lahna in lungphona ( sandahpyah) hong kipat uh ciangin a pualam mi ( biakna nasem lo mite cihna hi) lungsim hong sukha mahmah a, ngaihsutna leh muhna tuamtuam hong nei sak hi. Phongyi ( Monk) te pen Buddhism biakna a dingin siampi zaa ngah a, biakna nasem ding ngiat a kipia khia mite a hih uh teh hih bangin lungphona hong kipat ciangun biakna nasem mite in leitungvai, minam leh gam vai ah ki kausi phum ding in kilawm mah hiam, a hih kei leh leitung kumpi vai tawh kisawh khalo in biakna huang sungah dai tak in om hithiat ding hi zaw lo ding hiam cih bang ngaihsutna hong nei sak hi. A hih hangin ei mipi te muhna leh a mau saanna kibang hetlo a, lungphona a kihel Phongyi khat in Associated Press (AP) thuthak saite kiang a genna ah “ ko pen mihingte nuntakna hoihna ding bek hilo in, Phongyi te in democracy ngahna ding hanciamna leh mipi te in a mau mailam ding a mau deihna bang a, a teel theihna ding ngimna tawh” lungphona ngei hi ung ci’n September 19,07 ni’n na gen hi.
Suakta taka biakpiakna i cih pen kuamah in a khaktan theihloh hamphatna (inalienable rights) hi a, mivom mikang, ci leh sa deidanna hang tawh zong a ki niamsak theilo thu a hihi. A hihhangin leitung ah kumpi gilo te’n biakna pen a mau thu neihna nuai ah koih uh a, suahtakna pia lo uh hi. Biakna pen kumpite phalna zui in ki nei bek hi a, upna leh saanna zui hi nawnlo in suahtakna khempeuh bei hi. Tua bang hun ciangin biakna nasem mite zong leitung ci leh sa, kumpi vai tawh ki tuam koih theih hi nawnlo hi. Biakna bek sem in leitung kumpi te nasep te nung ngat san leh ki theih mawh bawl theih ding hun hi nawnlo hi. Leitung ki-ukna sungah suahtakna om kei leh biakna zong suahtakna om thei tuan lo hi. Tua bang hun teh biakna suahtakna ding leh mipi te’n a mau up leh saan thute suakta taka a biak theihna dingun biakna nasem mite’n makai in mipi maiah suahtakna a phut ding uh kisam hi.
Biakna nasep sem kawmin a minam te suahtakna a sem mi leitung ah mi thupi tampi na om hi. Tua sungah Bishop Desmond Tutu ci leng, mi khempeuh in South Africa mu pah ding a, a theilo a om lo phial ding a hihi. Bishop Desmond Tutu pen 1931 kum in Klerkdorp, Transvaal ah suak hi. A pa ten sangsia hi a, a mah zong lai siam mahmah khat a hihi. A sangkah lai in a mah pen Siavuan (medical doctor) ut mahmah hi na pi, sangsap pia zo lo uh a hih manin siavuan sin zom suakzo lo hi. 1954 kum in University of S.Africa pan sang man a, kum thum sung sangsia a sep khit teh London , UK ah Master of Theology sin in zo hi. 1978 kum ciangin South African Council of Churches a dingin mivom sung pan General Secretary masa pen hong suak hi.
Bishop Desmond Tutu in South African Council of Churches ah General Secretary a sep hun ciangin Africa gamsung ah mivom mikang kideidanna ( Apartheid) pen biak inn sung ciang dong tungin nasia mahmah hi. A mah in a thu hilhna pulpit pen mivom mikang kideidanna a hoih lohna leh Pasian maiah mi khempeuh a kibang a hihna genna in zang hi. A mah in a ma thu meilet khat a hi “ Pianna phunggui, ci leh sa kikhenna omlo thumanna leh democracy” gam lam khiatna ding pen a ma thugenna te ah gen den hi. A ma nasepna te hangin South Africa gam kumpi in gam pualam khualzin na ding a kisam passport zong pialo uhi. A hizongin a mah in a ma gen ngei a hi mivom mikang kideidanna beina ding gen den a, gamdang kumpi te hehpihna ngah hi.
1990 kum ciangin African National Congress (ANC) makai pipa Nelson Mandela kum (27) a thong kiatna pan hong suakta a, S.Africa kumpi te tawh kihona pan mivom mikang kideidanna beina ding Upadi ki kipsak zo hi. 1994 kum ciangin S.Africa gam ah democracy paizia mantak tawh kitelna kinei thei ta a, tua kitelna ah Nelson Mandela in a ngah tak teh Bishop Desmond Tutu pen “ thuman leh mawh kimai sakna ding zon khiatna, Truth and Reconciliation Commission ah Chairman dingin zaa pia hi. Tua komision hangin South Africa gamsung ah a beisa a lungsim natna leh supna baina tampi mawh kimaisak uh a, gam leh minam khantohna ding masuanna kipatna hong suak hi.
Bishop Desmond Tutu na sepna hangin 1984 kum in Noble Prize kipia hi. Biakna nasem mite hangin minam bup in suahtakna leh khantohna tampi piang den hi.
September 25, 2007
Kawlgam ah Phongyi te ( Monk) in September,2007 pan in kawl galkap kumpi tungah lungkim lohna lahna in lungphona ( sandahpyah) hong kipat uh ciangin a pualam mi ( biakna nasem lo mite cihna hi) lungsim hong sukha mahmah a, ngaihsutna leh muhna tuamtuam hong nei sak hi. Phongyi ( Monk) te pen Buddhism biakna a dingin siampi zaa ngah a, biakna nasem ding ngiat a kipia khia mite a hih uh teh hih bangin lungphona hong kipat ciangun biakna nasem mite in leitungvai, minam leh gam vai ah ki kausi phum ding in kilawm mah hiam, a hih kei leh leitung kumpi vai tawh kisawh khalo in biakna huang sungah dai tak in om hithiat ding hi zaw lo ding hiam cih bang ngaihsutna hong nei sak hi. A hih hangin ei mipi te muhna leh a mau saanna kibang hetlo a, lungphona a kihel Phongyi khat in Associated Press (AP) thuthak saite kiang a genna ah “ ko pen mihingte nuntakna hoihna ding bek hilo in, Phongyi te in democracy ngahna ding hanciamna leh mipi te in a mau mailam ding a mau deihna bang a, a teel theihna ding ngimna tawh” lungphona ngei hi ung ci’n September 19,07 ni’n na gen hi.
Suakta taka biakpiakna i cih pen kuamah in a khaktan theihloh hamphatna (inalienable rights) hi a, mivom mikang, ci leh sa deidanna hang tawh zong a ki niamsak theilo thu a hihi. A hihhangin leitung ah kumpi gilo te’n biakna pen a mau thu neihna nuai ah koih uh a, suahtakna pia lo uh hi. Biakna pen kumpite phalna zui in ki nei bek hi a, upna leh saanna zui hi nawnlo in suahtakna khempeuh bei hi. Tua bang hun ciangin biakna nasem mite zong leitung ci leh sa, kumpi vai tawh ki tuam koih theih hi nawnlo hi. Biakna bek sem in leitung kumpi te nasep te nung ngat san leh ki theih mawh bawl theih ding hun hi nawnlo hi. Leitung ki-ukna sungah suahtakna om kei leh biakna zong suahtakna om thei tuan lo hi. Tua bang hun teh biakna suahtakna ding leh mipi te’n a mau up leh saan thute suakta taka a biak theihna dingun biakna nasem mite’n makai in mipi maiah suahtakna a phut ding uh kisam hi.
Biakna nasep sem kawmin a minam te suahtakna a sem mi leitung ah mi thupi tampi na om hi. Tua sungah Bishop Desmond Tutu ci leng, mi khempeuh in South Africa mu pah ding a, a theilo a om lo phial ding a hihi. Bishop Desmond Tutu pen 1931 kum in Klerkdorp, Transvaal ah suak hi. A pa ten sangsia hi a, a mah zong lai siam mahmah khat a hihi. A sangkah lai in a mah pen Siavuan (medical doctor) ut mahmah hi na pi, sangsap pia zo lo uh a hih manin siavuan sin zom suakzo lo hi. 1954 kum in University of S.Africa pan sang man a, kum thum sung sangsia a sep khit teh London , UK ah Master of Theology sin in zo hi. 1978 kum ciangin South African Council of Churches a dingin mivom sung pan General Secretary masa pen hong suak hi.
Bishop Desmond Tutu in South African Council of Churches ah General Secretary a sep hun ciangin Africa gamsung ah mivom mikang kideidanna ( Apartheid) pen biak inn sung ciang dong tungin nasia mahmah hi. A mah in a thu hilhna pulpit pen mivom mikang kideidanna a hoih lohna leh Pasian maiah mi khempeuh a kibang a hihna genna in zang hi. A mah in a ma thu meilet khat a hi “ Pianna phunggui, ci leh sa kikhenna omlo thumanna leh democracy” gam lam khiatna ding pen a ma thugenna te ah gen den hi. A ma nasepna te hangin South Africa gam kumpi in gam pualam khualzin na ding a kisam passport zong pialo uhi. A hizongin a mah in a ma gen ngei a hi mivom mikang kideidanna beina ding gen den a, gamdang kumpi te hehpihna ngah hi.
1990 kum ciangin African National Congress (ANC) makai pipa Nelson Mandela kum (27) a thong kiatna pan hong suakta a, S.Africa kumpi te tawh kihona pan mivom mikang kideidanna beina ding Upadi ki kipsak zo hi. 1994 kum ciangin S.Africa gam ah democracy paizia mantak tawh kitelna kinei thei ta a, tua kitelna ah Nelson Mandela in a ngah tak teh Bishop Desmond Tutu pen “ thuman leh mawh kimai sakna ding zon khiatna, Truth and Reconciliation Commission ah Chairman dingin zaa pia hi. Tua komision hangin South Africa gamsung ah a beisa a lungsim natna leh supna baina tampi mawh kimaisak uh a, gam leh minam khantohna ding masuanna kipatna hong suak hi.
Bishop Desmond Tutu na sepna hangin 1984 kum in Noble Prize kipia hi. Biakna nasem mite hangin minam bup in suahtakna leh khantohna tampi piang den hi.
September 25, 2007
