Tual Khan Suan (Suanpi)
“ Nipi ni( Sunday) cikciang tung ding a hia, Nu?” ci’n theihnopna lungsim takpi tawh Zolia in a nu kiangah zingsang tung khat dong hi. Zolia pen kum nga(5) val deuh khong hi pan a, Kawlgam pan a pusuah zawh ( USA a tun zawh) kum khat val bek hi pan hi. Zolia te innkuan pen kawlgam sungah a om lai un, Zolia pa’n Biakna Pawlpi khatah Pawlpi kem Sia ( Church Pastor) sem a, a nu’n tua pawlpi numei kipawlna ah lai-at ( secretary) sem hi. Zolia pen a suah tunga kipan Christian innkuan sungah a kidiah den a hih manin, innkuan biakpiakna nei den bek hilo in, nipi (Sunday) nisim biakinn pai in Pasian biakna a pia den nu leh pa te makaihna nuai pan a khang a hihi. Zolia pa zong pawlpi kem sia a hih mah bangin nipi nisim biak inn ah Pasian thu mipi te a hilh den a hihi. Tua bang innsung ah a kidiah den Zolia pen USA a tun khit teh biakinn sung tung ngei nawnlo a hih manin, Nipi ( Sunday) ni a tung kik nailo sa a, a nu kiang a dong a hihi.
Zolia pa pen Tan ( 10) a sim kum in Pasian kiangah thu ngenin “ Topa aw, tan (10) na hong ongsak leh Laisiangtho sang kah in nang ma na kasem ding hi” a cih mah bangin tan (10) a ong khit teh saklam ( India ) gam Bangalore ah laisiangtho vasim hi. A sangkahna ah Zolia nu tawh kithei in kingai mahmah uh a hih manun, a nih un sang a man uh the Pasian mai ah a siangtho kitenna tawh pumkhat a suak uhhi. A mau nupa pen Pasian a zahtak mahmah nupa a hih manun, a hih theih zahun Pasian na semin a pang khawm uhhi. Pasian in zong amau nupa pen thupha pia a, a sawtlo in gil a goutan Zolia nei uhhi. Tua bek hilo in, Zolia pa pen a sepna Pawlpi te vaihawm pihna hang leh Pasian thupha hang tawh Korea ah M.Th sin theihna ding ngah leuleu hi. Korea pan hong ciah kik tak ciangin a mau innkuan in Pasian na mah sem suak to uhi.
Zolia te innkuan pen Pasian muang den leh thungen den innkuan a hih manun Pasian in amau nusia lo in, mite lak ah zong tualniam lua tuanlo uhhi. Ahizongin kawlgam sung nuntakna a hamsat tektek ciangin nuntakna nuam zaw ngah ding leh Pasian kiangah thu ngen den uhhi. Pasian in a mau thungetna te dawng in Zolia pan USA pai theihna ding lampi hong kihong hi. Zolia pan USA a tun zawh teh Zolia te nuta zong sam a, a innkuan un a sawtlo in USA gam ah a om khawm kik thei pah uhi.
Zolia pa in kawlgam sungah a nutsiat pawlpi lah puah nuam, a sep nop tam mahmah a hih manin nasep hanciam mahmah a, khawlni zong neilo in nisim in nasem a pai den hi. Nasepna pan hong tun ciangin lah gim kisa a hih manin Pasian biak ding pen vaihawm zo nawnlo hi. Tua bangin nipi (Sunday) sim Pasian bia dingin Biakinn pai ding nangawn hun pia zolo in, na sem a a kuan det pen khat veivei a mah leh a mah ki ngaihsun zel a, “ Aw, Kawlgam sungah ka pawlpi a ding na tampi sem zo ing, Biak inn ding lam zo ing, mi ci mawh te panpih zo ing, tua te pen Pasian nasepna hoih pen hi” a cih leh a aw suak khia kha a, tua lait akin a kiang a tu Zolia in “ Pa aw, Kulia a hia, Korea a hia pan na LST sang man a na hong ciah a, na hong thu hilh phawk lai ing, ka hong gen dia” a cih leh a pa’n zong hong gen ve, a cih teh Zolia in “ Sawl ci a, Saul ci zaw a, Israel kumpi khat galdo ding a kuanlai in Pasian in a galte khempeuh leh a neihsa khempeuh uh suksiat ding a cih hih na pi, tua kumpi pa in Pasian biakna ding ci’n ganno thau teng Pasian mautam tungah a puak hang Pasian lungkim lo; Pasian in a ma thu mang ding leh a ma deihna sem ding in mite deih zaw” a cih pen hi, ci’n a gen kik hi.Tua tak teh Zolia pa zong a nu en phei in i tanu pen Pasian na sem ding taktak hi, a ci hi. Tua laitak in Zolia pa in a nai en a, ka nasep kuan hun ta ci’n kong ah a pusuah leh a innveng te biakinn ah kikhawm ding a innkuan in a pusuak tawh kituak lian a, Aw, tuni zong nipi (Sunday) ni hi a mataw ci’n lung ngai kawmkawm sa in nasep dingin kuan khia hi.
Theihding: Hih thu pen a kiphuak tawm a hihi. Thupiang khat peuh bulphuh a kiphuak hilo hi.
May 07.2006
“ Nipi ni( Sunday) cikciang tung ding a hia, Nu?” ci’n theihnopna lungsim takpi tawh Zolia in a nu kiangah zingsang tung khat dong hi. Zolia pen kum nga(5) val deuh khong hi pan a, Kawlgam pan a pusuah zawh ( USA a tun zawh) kum khat val bek hi pan hi. Zolia te innkuan pen kawlgam sungah a om lai un, Zolia pa’n Biakna Pawlpi khatah Pawlpi kem Sia ( Church Pastor) sem a, a nu’n tua pawlpi numei kipawlna ah lai-at ( secretary) sem hi. Zolia pen a suah tunga kipan Christian innkuan sungah a kidiah den a hih manin, innkuan biakpiakna nei den bek hilo in, nipi (Sunday) nisim biakinn pai in Pasian biakna a pia den nu leh pa te makaihna nuai pan a khang a hihi. Zolia pa zong pawlpi kem sia a hih mah bangin nipi nisim biak inn ah Pasian thu mipi te a hilh den a hihi. Tua bang innsung ah a kidiah den Zolia pen USA a tun khit teh biakinn sung tung ngei nawnlo a hih manin, Nipi ( Sunday) ni a tung kik nailo sa a, a nu kiang a dong a hihi.
Zolia pa pen Tan ( 10) a sim kum in Pasian kiangah thu ngenin “ Topa aw, tan (10) na hong ongsak leh Laisiangtho sang kah in nang ma na kasem ding hi” a cih mah bangin tan (10) a ong khit teh saklam ( India ) gam Bangalore ah laisiangtho vasim hi. A sangkahna ah Zolia nu tawh kithei in kingai mahmah uh a hih manun, a nih un sang a man uh the Pasian mai ah a siangtho kitenna tawh pumkhat a suak uhhi. A mau nupa pen Pasian a zahtak mahmah nupa a hih manun, a hih theih zahun Pasian na semin a pang khawm uhhi. Pasian in zong amau nupa pen thupha pia a, a sawtlo in gil a goutan Zolia nei uhhi. Tua bek hilo in, Zolia pa pen a sepna Pawlpi te vaihawm pihna hang leh Pasian thupha hang tawh Korea ah M.Th sin theihna ding ngah leuleu hi. Korea pan hong ciah kik tak ciangin a mau innkuan in Pasian na mah sem suak to uhi.
Zolia te innkuan pen Pasian muang den leh thungen den innkuan a hih manun Pasian in amau nusia lo in, mite lak ah zong tualniam lua tuanlo uhhi. Ahizongin kawlgam sung nuntakna a hamsat tektek ciangin nuntakna nuam zaw ngah ding leh Pasian kiangah thu ngen den uhhi. Pasian in a mau thungetna te dawng in Zolia pan USA pai theihna ding lampi hong kihong hi. Zolia pan USA a tun zawh teh Zolia te nuta zong sam a, a innkuan un a sawtlo in USA gam ah a om khawm kik thei pah uhi.
Zolia pa in kawlgam sungah a nutsiat pawlpi lah puah nuam, a sep nop tam mahmah a hih manin nasep hanciam mahmah a, khawlni zong neilo in nisim in nasem a pai den hi. Nasepna pan hong tun ciangin lah gim kisa a hih manin Pasian biak ding pen vaihawm zo nawnlo hi. Tua bangin nipi (Sunday) sim Pasian bia dingin Biakinn pai ding nangawn hun pia zolo in, na sem a a kuan det pen khat veivei a mah leh a mah ki ngaihsun zel a, “ Aw, Kawlgam sungah ka pawlpi a ding na tampi sem zo ing, Biak inn ding lam zo ing, mi ci mawh te panpih zo ing, tua te pen Pasian nasepna hoih pen hi” a cih leh a aw suak khia kha a, tua lait akin a kiang a tu Zolia in “ Pa aw, Kulia a hia, Korea a hia pan na LST sang man a na hong ciah a, na hong thu hilh phawk lai ing, ka hong gen dia” a cih leh a pa’n zong hong gen ve, a cih teh Zolia in “ Sawl ci a, Saul ci zaw a, Israel kumpi khat galdo ding a kuanlai in Pasian in a galte khempeuh leh a neihsa khempeuh uh suksiat ding a cih hih na pi, tua kumpi pa in Pasian biakna ding ci’n ganno thau teng Pasian mautam tungah a puak hang Pasian lungkim lo; Pasian in a ma thu mang ding leh a ma deihna sem ding in mite deih zaw” a cih pen hi, ci’n a gen kik hi.Tua tak teh Zolia pa zong a nu en phei in i tanu pen Pasian na sem ding taktak hi, a ci hi. Tua laitak in Zolia pa in a nai en a, ka nasep kuan hun ta ci’n kong ah a pusuah leh a innveng te biakinn ah kikhawm ding a innkuan in a pusuak tawh kituak lian a, Aw, tuni zong nipi (Sunday) ni hi a mataw ci’n lung ngai kawmkawm sa in nasep dingin kuan khia hi.
Theihding: Hih thu pen a kiphuak tawm a hihi. Thupiang khat peuh bulphuh a kiphuak hilo hi.
May 07.2006
