Barack Obama Inaugural Address

Barack Obama Inaugural Address
January 20, 2009

Kong it ka mipihte khempeuh,

A paisa ih pu ih pate' kipiaknate phawk kawmin ka tung a nong koih uh muanngamna hangin lungdamin ih mai a om nasep silbawl dingte' hangin kiniam khiatna tawh note' mai ah kong ding hi. Ama hun sung khempeuh ih gam adingin akipiakna, a gim a tawlna leh a thudiknate' hangin President Bush tungah zong ka lungdam mahmah hi.
Mihing 44-te in President kamciamna nei khin ta uh hi. Tampi tak pen nopsakna akhan hun leh daihna tui bang a aluan hun a kigen thute ahi hi. Ahih hangin tamveipi mah tua kamciamnate pen huihpi guahpi kipei tawh akibang hunsia sungah na kigen hi. Tu ni ciang dong mah America gam in tua nasep maban ih zom toto hi. Tua bang a ih zop theihna pen ih pil ih siam man leh zum thupite' sunmangte' hang zong hi lo a, ei mipite khempeuh tua ih pu ihpate' khunsa thu le late lenkipin tuate' tungah ih thutan man ahi hi.

Open Letter to Phungzathang and V Hangkhanlian

Azahtak huai pute,
Pu Phungzathang Tonsing
Pu V. Hangkhanlian

Gam-leh-nam itna ziak a na kipiakna uh (mipi palai dia MLA na hong hihna uh) thupi sa in phathuai ka honsa pet mah hi. Gam-le-Nam a dia kipiak chih pen a thu in nuamsim bangmah leh a taktak a lungsim tawng a kipia a, mahni angmasial hetlou a “Ken ka tan kei leh, ka min a siat leh leng, sihna tan hial tuak mah leng, ka mi kasa ten a tan ua, nek ding a neih ua, ka nam in min hoihna a tan a, huan ah ka Gam-le-Nam a dia hinna/hoihna ding ahih nak leh,” chi a kipe te a din thil baihlam ahi kei ding chih a theihtheih hi. Tulel din mun in Manipur a Zomi te a deuhkholin Paite-Zomi Churachandpur District a omte a din ka lei Pathian taktak na hi uhi. Pu Pa khang a i na luah sa uh LAMKA (Manipur Sorkar in hon Cheptehsak dan in Churachandpur) Ka Gam ka Inn i chih theihna uh omsun a palai hihna len a vaihawmtu na hih ziak un, zahtakna ka hon pe masa hi.