Dear Zomi khempeuh, I Zomi nam sungah leitung ci leh sa vai sangin a nungta Pasian a tel masak zawk na hangin Pasian in a laptoh Zomite sungah aksi pi a hi Rev. Dr. Ngul Khan Pau in USA gam sung Tennessee huam sunga om Zomi te a itna hangin a hun man pha tampi leh a nasepna maban tampi nusia in Pasian thu tangkona April 02,2010 (Good Friday) pan kipan in cialpi na (Crusade) thu genna Zomi Christian Church (ZCC) hong nei hi. Sia Paupu in Pasian a it man ngiat in Pasian na sepna ding a tel lai in kumpi kha sum Rs. 3000.00 ngah sang in khasum Rs.300.00 ngah ta leh a nungta Pasian nasep ding a tel zaw mi a hihi. Leitung neihna sum leh pai sangin Pasian a it masa leh a tel masa zaw hi. Pasian a it manin nuntakna Pasian in nakpi takin lamto a, sum leh pai zonga in a hun a bei sak loh hangin Pasian in a kisap khempeuh sik den hi.Amen!! Sia Paupu pen Pasian thu tawh a nungta takpi a hih manin a lungsim sung ah kiliatsakna a om hetloh banah, Pasian lo ngal kiphatsak pih ding a neihlohna gen hi. A mah in North East India sunga State (7) kipawl khopna ah General Secretary kum (10) a sep sungin a nuntak kipatna mang ngilh lo in, " Bi inn nuai pan a khang khia ka hihna ka mang ngilh kei hi, ci'n" kiliat sak na lungsim neu khat zong nei lo hi.
Sia Paupu in Cialpina hun masa nitak in leitung mite pen mawhna nei i hihna leh mawhna gah pen i ci leh sa tawh a nungta khawm a hihna Laisiangtho bulphuh in hong gen hi. Mawh ngei ke'ng, khial ngei ke'ng a ci mite zong khial theilo hi lo in, a hun leh a mun in a piak loh man a, a khiallo a hihi cih Laisiangtho siksan in leh a ma tuah khak thu pan thu man bul phuh in thu hilhna hong nei hi. Sani (Saturday) ni sun hun in Sia Paupu in Zomi te a ding deihsakna ngiat tawh, Christian nuntak zia ding tawh kisai Late 1: 1- sung thu bulphuh in thu sinna hong pai pih a, mitampi in thu theih thakna ki nei hi. Pasian neilo mite nuntakna in sawt a khom lohna leh Pasian a tel mite lampi a kihonna kicing takin hong gen a hih manin mitampi lungsim sungah a kitel khial thu tampi siang sak hi. Sani (Saturday) nitak kikhopna ah "Zeisu Sisan" thu bul phuh in mihing tawh mawhna kimai sakna thu tawh thu hilhn hong nei hi. A mah (Sia Paupu) in A lianpen Siampi te'n mi hing tawh mawhmai na ding in "Bawngte, tuute" sisan tawh a siansak na uh leh tua ( bawng leh tuute) sang a, a mahpha zaw Pasian Tapa Zeisu Sisan in ei mawhna hong sian sakna theih Laisiangtho siksan linlian in hong gen hi. Mitampi te lungsim sukha hi. Zeisu sisan in a manphatna leh a thahatna hong gen ciangin mite lungsim tawng ngek dong sukha hi. Tua a manpha sisan in ei mawhna hong maisak bangin ei mihingte zong khat leh khat i mawhna kimaisak ding a hihna hong gen hi. Tua ban ah Zeisu sisan hangin mawhmaisakna a ngah mite in midang te mawhna zong maisak zawhloh nei lo a hihna South Africa gam sunga reconcilation process hun a Bishop Desmond Tutu te nasepna a thu piang taktak thu leh II World War hun lai a Nazi German te gamtat khialhna hanga Polish ( Poland gammite) thahna hanga kilemna te thu piang taktak (facts) hong gen hi. Sia Paupu pen Zomite sungah mi thupi taktak a hihna leh Pasian a it takpi a hih manin Sia Eddie Ngin Hangin pahtawina kammal a genna ah, " Sia Paupu aw, I am very proud of you" in gen ngiat hi. Tu ni, Sunday ni in zong sun hun in thu sinna leh nitak hun in Pasian thu genna kinei suak lai ding hi.
Thu puak
| 
