Pu No Than Kap and CNF

"Unofficial draft translation due to request made by zonet members"                                     CHIN NATIONAL FRONT                                                    General Headquarters                             Pu No Than Kap (aka) John Khaw Kim Thang                            Tawh ki sai in Chin National Front pan Thu Pho Lak na                                                           2007,November,28  THUMASA                       1992 kum, December kha (9) ni in Pu No Than Kap (aka) John Khaw Kim Thang pen CNF  member pan ahi zongin, Chin National Front (CNF) President leh Chin National Army ( CNA) ii Galkap mangpi za pan in NSEC  ten  ki khawl sak hi.                      CNF pan ki hawl khiat  zawh teh India gamvai lamah a ki pei khiah kei ciang in  India security lam te in man in kawl kumpi te kiangah ap uh hi.Tua khit teh hong suah tak kik khit ciang in laisiangtho sang khat ah sangsia khat in nasem in om hi. 2006 kum in US ah a pai sung in CNF gen sia  tha pai in agen khit tak teh Rev. Dr. Val Thang tawh ki thuah in thu taang ko na khat  aneih uh hangin ko lam pan bang mah gen khiatt na nei nai lo hi ung. Asawtlo khat in zong Malaysia ah va pai'n  Hruaitu tawh aki muh na ah zong CNF tawh ahi zong, CNA vai tawh ahi zong thuman lo bekbek gen ahih man in Chin minamte min daina ding leh Sanggam teng ki it na hong buaisak thei ding in    hong gamtang a up mawh na om a  hih man in Pu No Than Kap tawh kisai in akitel zawdingin CNF thu leh la zak sakna  pawl pan in anuai aa bangin kong taang ko uh hi.                      CNF Kipat Cillai Hun Thu 1) CNF Ki Pat Khiatt Na             1988 March 20 ni in Pu Tial Khal Makaihna tawh Kawlgam Federal Union ngah khiat zawh nang, Democracy, Mihing hamphat na ngah zawhnang leh Ei leh Ei ki uk theih zawh nang in CNF ci in hong ki phuan khia hi. 2) Pu No Than Kap CNF President Ngahna Thu            1988 kum beilam pawl in Pu Tial Khal leh CNF palai pawl khat in Pu No Than Kap pen Mikangpau siam ahih man in Gamdang tawh kiho kizopna ah sem ding in a zat teh CNF sungah hong lut thei ahi hi.            1988 kumin Pu No Than Kap in CNF min tawh palai in Manepalaw(KNU Phualpi) ah khawmpi  vakah in hong ciah tak ciang in amah in " Kipawlna tuam tuam pan in hong pai te in President vive din mun tawh  min thu uh ahih manin kei zong CNF President ki ci'n CNF President min mah tawh min hongthuh hi veng, tua a hih man in kei pen President mun hong khin un" ci'n hong nget tak ciangin CNF a phuan khia masa pawl lakpan in Pu Lian No Thang leh Pu Ro Eng te in nial uh hi. Ahi zongin Pu Tial Khal in Pu No Than Kap pen a tupa lah hi, mipil khangno khat lah hi, Mikanggpau lah siam in a tei a navak  nate hangin Pu No Than Kap hong nget na pen makai dang ten asan nang un makai dang te kiangah zolbawl in agen tak ciang in Pu No Than Kap in CNF President mun ahong ngah kha ahi hi.  Pawlmipibup pan in thukim na, makai te thu kim na tawh  CNF President angah hi lo hi. 3) A Khat Veina  Pu No Than Kap  CNF President Pan Nawl Khiat Na Thu  -President Pu Tial Khal makaih CNF phualpi pan Pu No Than Kap pen gamdangthu vaan palai min tawh  pawlpi tuamtuam te khawmpi ah akah na ah a paikhit teh President mun hong ngah na hangin a tam zaw lungkim lohna pen 1989 ki pat lam in saibang in  hong lian  hi. -          Tua ban ah Pu No Than Kap in India Kumpi CongressI in CNF tung ah huhna dangka Rupee 1,000,000(awn 1) pen President Pu Tial Khal omloh kal in Pu Tial Khal zi kiang ah sum ngen in ,  sumnget na lai  pen bawltawm in aa ngah khit ciang In ama aang sung bek a ding in zangtum hi.                   Atung aa thu te gel nih te hangin Vice President Pu Tial Khal, GalKapMang Pu Ro Eng le a lawmdang te kipawl in 1989 October 6 ni'n Pu No Than Kap pen CNF pan a (1) vei na ki hawl khia hi. Ahi zongin Pu Val Thang, Pu Tlung Luai, Pu Sang Hlun, Pu Tluang Lian te'n pawl, 88 Sangnaupang te pawl in Pu No Than Kap lam pan panguh ahih man un Pu No Than Kap pen President mun pan ki khawl sak zo lo in hong zomsuak thei mawk hi. 4) CNF Khen Nih Hong Suah Na Thu -          Pu No Than Kap in CNF sung ah amah deih bangin makaihin, sum zek na ah thuman lo in angsung khuat in netum  ahih man in Pu Tial Khal leh Pu No Than Kap te ki kal ah buaina lianpi hong om in 1989 October 6 ni in Pu No Than Kap pen CNF pan akhat vei na ki hawlkhait khit teh  Pu Tial Khal makaih na tawh CNF(amasa) min la in India, Bangalardash, Kawlgam gamgi tengah phual sat in atuam in hong kalsuan  uh hi. Hih bang teng hang in Pu No Than Kap makaih CNF leh Pu Tial Khal makaih CNF(amasa) ci in Pawl nih hong suak  ahi hi. Pu Ro Eng, Pu Lian No Thang leh Aizawl ah om Chin minam te in Pu Tial Khal pen thukimpih uh hi. Pu Val Thang, Pu Tlung Luai, Pu Sang Hlun, Pu Tluang Lian te leh 88 sangnaupangte in Pu NO Than Kap lamah thapia uh hi. 5) Ro Eng Ki That Na Thu          -          Pu Tial Khal makaih CNF(amasa) pawlpan Pu Ro Eng te pawl in CNF khen nih ki suak na tawh kisai in honglem tuahkik ding ZORO pan hong pai ahi Pu Lal Sang tawh ki thuah in India- Banga gamgi ah phualsat uh hi. Tua hunlaiin Pu No Than Kap makaih CNF tein Banga ah phualna sat khin uh hi. Pu Ro Eng leh Pu Lal Sang makaih pawlin Pu No Than Kap makaih pawl pen ado dingin hong kuan uh hi. Pu No Than Kap makaih CNF in 1989December 18 ni zanin Pu Ro Eng leh Pu Lal Sang makaih mi 14 leh thau 3 tawh man zo in Sekenah phaul aa gilbem ah khum uh hi. -                      -          Pu Ro Eng  , Pu Tlaung Hre leh Pu Lal Sang te losiah adang akiman kha khempeuh pen 1990 Febuary 3 ni in avek un khah kik uh hi. Pu Lal Sang pen May 11 ni peuh mah in Mizoram atung theih nang a  kipuakik lai tak in India gamsung Parva mun atun uh ciang May 12 in hong nusia hi. Pu Tlaung Hre in gilbem sungah aom sungin Jun 25 in gilsan natna tawh hong nusia hi. -                      -                      Pu Ro Eng leh alawm teng thum pen gilbem sung pan in 2 vei tak atai sawm uh hangin ki mat kik na thuakuh hi. Pu Ro Eng pen July kha bei in 3 veina atai tak ciangin tungsiah thu tawh 1990 August 5 in Sihna  thuki pia hi.Pu Ro Eng Thahding  thu tawh kisai in Pu No Than Kap in kei ka khualzin lai tak tawh hong ki tuakin aThat sak pa pen Pu Sang Hlun hi in, hong nu sia khin sa ahi Vice prisident Pu Sang Hlun tungah mawh puak na om hi, kei tawh bang mah ki  mawhpuak na omlo hi ci in 2006 Maykha 13 ni in Internet pan Pu No Than Kap in Pu Val Thang tawh kipawl in  taangkona khat hong nei  uh hi. Ahi zong in hih thu ah a mawhpuak pi pen tua hun lai in CNF President ahi Pu No Than Kap mah ahi hi.                         Pu No Than Kap Makaih Sung CNF Din Mun Kum( 3 )sung vilvel Pu No Than Kap makaih na tawh kipawlna pen Khatbek thu neihna tawh makaih, Sum thu ah citakna om lo, be leh phung sung, khua leh tui sung  ki lem loh nang bek bek ding thugen, cihtakna thu man na neilo,  buluh nasep sem, mipi te pum mat in sum tawh ki tan kiksak, a thu a manglo omleh that pah lian mawk in hih dan thu teng tawh kipawlna makaih hi. Gam thu ah hong makaih dan mawk pen khua khat leh khat ki kal, mi nam khat leh khat ki kal  kitel khial theih nangin thubawl in amah President asep zom suak theih nangin lawmteng khem in zuau bu lom tawh zingvai hawm hi. Galkap vai tawh ki sai in akisam mah mah ahi thau vui thau tang te gamdang pan ki ngah khin ci'n mi khem khem in gamdangpan thau vui, thau tang pua vanleng hong tuak theih na ding mun zong koi koi in sawl pong den thei lai hi . Tua tawh ki sai agen pi pen ahi " Galkap ding ki khol zo leh thau pen mi khat teh 2 leh 3 bang tawi thei ding" ci'n a ngiakam siam tawh zol hi 1)Pu No Than Kap Thuman Lohna Tungtawn in NSEC pan Thu Bawlna                                Pu No Than Kap tungah anuai aa bang in vaithupi thum(3) tawh thu bawl uh hi. 1)Thu Neihna Zat Khialh Nate -          1989 pan 1992 dong CNF sung pawl mipi thukim ahi thukhunpi te pen pawlmipi te thukimna tawh aki khung thu leh late hi lo in Pu No Than Kap in ama deih bang in akaih   CNF thu khun bek a hi hi. Tua bang hangin kipawlna thu leh la pen Party president khat leh member khat peuh peuh in a mau thu in agelh theih nang thu omlo hi ci'n atam zaw in Pu No Than Kap tungah ki mawksak mah mah hi. -          Behte gam, Kachin Suahtaknang Pawlpi (KIO) Phualpi ah om Pu Alexander Hrang Vung Thang pen Major za ah aza khangtoh na thu (Mikanglai tawh) Siklai in General Zaw Mai kiangah khak ngei hi. Tua laipi sungah Kuamah theih sak ken ci in a lai lu tung ah (Roger)ci in at se hi. Tua hun lai in Pu Roger F. Biak Lian Thang pen CNF pan in Gamdang thu vaanpi in KIO phualpi ah CNA galkap te tawh a om khop sung hi. Pu Roger theih lo in CNA galkap khat pen Major ciangdong aza khan sak pen Pu No Than Kap  thuman loh na leh thu tuam ip nop na hang hi. -                      -                      CNF pan in Kachin Suaktakna Pawlpi (KIO) te kiangah galsim pilna thu sin dingin Chin khangno 70 Sen-Kawlgamgi aa phual sat KIO te kiangah sawlhi. Kum (2) sung vilvel galsim pilna atuam tuam asin khit uh ciangin 1991 kum February kha sungin ChinLand  ah hong ciah ding in hong ding khia uh hi. 1991 Maykha 25ni in Naga National Council Phualpi ah tung uh hi. Tua pan in Junkha ni (3) in Naga Socialist Council (Nuhpa) khua ah tung uh hi. Tua hunlai tak in Tuikang guntui khan leh huih leh guah tam luat na, men cip na tam luat na te hang in tuksung in NSCN(K) phualah tawmvei tawl nga uh hi. Tua pan in Pu No Than Kap in India thukan te huh natawh CAN galkap thak te tua mun pan  thau lawng (4leh5) ta tawh a ban ban in nawn thei hi. A( 1) veina ah Maj. Alexander Hrang Vung Thang leh makai pawl khat hong nawn masa phot hi. Pawlkhat pen thau pua lo in puan mawk mawk silh kawm in India nisuahna leh khanglam pan in hong lut uh hi. Maj. Zing Cung makaih galkap (11) leh thau  long(12 )te 1992 kum July 22 dong om  nawn lo in ki nu sia  hi. -                      -                      KIO te kiangpan hong ki guan a hi thau vui thau tangte seh thum  suah seh nih pen India thukan te in Chin Sate, India gamgi, Kawlgam, India leh Bangladesh gamgi cih bang in mun tuamtuam ah  sel sak uh hi. Ahi zongin ki nu sia in a ki nawn nai lo galkap (11) leh thau long (12) te nawn zawh loh thu tawh kituak in Pu Val Thang in Maj. Zing Cung kiangah 26.12.91 ni in khut  tawh akhak lai sungah hi bang in a at hi "Pu Val Thang leh India thukan te ki muhna khat ah  a ki nusia lai galkap te nawn ding in mawtaw hong pai loh na thu Pu Val Thangin India thukan te kiangah adot leh India thukan sung pan thu nei khat in "na John Khaw Kim Thang un mawtaw tawh kei mah in sam ning cih thu kei kiangah hong gen khin hi" ci'n" ki gelh hi.   Pu No Than Kap kiang pan in Pu Val Thang tung ah Maj. Zing Cung te hong ciah theih nang tawh ki zui in a nasep na pan tha khat khawl sak mawk hi .  Maj. Zing Cung tung ah thu pia in a ciah theih nang uh ama lu tung ah suan hi.. A tung aa Pu Lal Thang lai khak ana ah " Pasian in no te lamtawn tung ah hong tonpih in pian na tunnu Chingam ah ci dam in hong tung zo veve ding hi uh cei, thupiang khem peuh pen I makaipi pa mawh puak ding hi" ci'n Pu Val Thang in gelh hi. Hih thu en pha kik leng Pu No Than Kap in Maj. Zing Cung makaih ahi mi (11) te leh thau lawng (12 ) te sup nang bai nang a deih na tawh a thu sia bawl hong hi mawk hi. Ai hang in Maj.Zing Cung leh a nungzui te northeast kuam aa singnuaimi ki pawl na tuamtuam te huh na tawh ci dam lu dam in pian na tunnu Zogam ah hong tung kik zo uh hi. -                      -                      Maj. Zing Cung leh a galkap te galte sung pan in   thau tawi sa in a lau huai mah mah din mun tawh hong ciah na vai uh 1992 November 6 ni a ki bawl CNF Cabinet Meeting ciangin teltakin ki thei pan hi. Cabinet Meeting bawl zawhloh hun sungin Pu No Than Kap (GalkapMangpipa) Pu Tlung Luai (Galkap Minister) Maj. Alexenda Hrang Vung Thang (GalkapMang ) te'n Maj. Zing Cung samin hi bang in thu dot na nei uh hi,Pu No Than Kap in " nang pen CNA galkap khat na hihman in ko thu nong man kul ding hi. Ko ka ut bang un  hong sawl thei hi ung" cih agen pen ngaihsun taktak le hang Maj. Zing Cung ci dam in Phualpi dong hong tun loh ding adeihna ki mu thei hi. Phualpi hong tun leh zong tua hong tun ma in Galkap sung ah amah mite  bek makai in a koih nop na thu ki mu thei hi. Anunglam ciangin  Pu No Than Kap mah mah in Maj. Zing Cung kiangah maitang ki mu in " nangpen thu vai hawm na lamah ki va mah mah in makaih siam ci in na sep pih makai  te in hong gen ciangin nang pen Secretary thuzekpi hongsem ve" cin gen hi. Tua ciang in  Maj. Zing Cung in kipawl na sung aa pawl mi pi te leh makai piteng thu kim na  om lo in leh hong sang zong kei ning ci'n dawng kik hi. -                      -                      Tua teng ban ah  Pu No Than Kap in thukan cian na om lo in a ma thu thu piak tawh kipawlna sungaa nung zui galkap naltang  te a ut leh That in na sep na pan tawpsak na lampi a zang ziau thei mi khat ahi lai lai hi. Hih thu hangin Galkap  sungah zong nung zui nal tang te lung sim   sungah cik ciang in kei tungah ei Pu heh na hong luang tam maw ci'n alung uh patau mah mah den hi. Galkap te athat nop a om ciangin galdo ding in kuansak in athat nuampa pen amai pen ah galan tah  mun a laksak ban ah anunglam pan in kap lum den ahihman in a mai pen mun apai nuam ki ut lo hi. Hih bangin amai pen mun ah a ki sawl tak ciangin kei tungah hong tung ta hi vet vet ei  maw ci'n lau lawng in  om uh hi. Pu No Than Kap ii thu piak na hangin thumaan lo pi in a ki that zah anuai bangin hong pho lak  khia  ung.                 Min Kum Mun Mawhna thu 1 Lai Peng 1990 Phalbi hun, singat hun, songtibaw khua Numei thu 2 Vision 1990 Phalbi hun, Singat hun Sumvai 3 Rahang Bual Suan 1990 Zingte khua kah lai Siah dongna 4 Mat ngai 1990 Zingte khua kah lai Siahdongna 5 Za Mai Sian 1992 Leileh gei Pawlpi  tung langpang na 6 Kauh Yah 1992 Palbial, lunghayih mual Siahdongna 7 Ba Chan Kung 1992 Chiamphai area, Ciau Siahdongna, numei thu 8 MC (Thang hei) 1992 Bangaladesh Phualpi Thusim iim khia thei    Tua bek tham lo in NSCN( Phualpi) pan in KIO pan hong ciah ahi CNA galkapte leh thauvui thautangte India thukan te in hong puaksak laitak in Pu No Than Kap in  van zuak van lei dan  in"Give and take policy"  na zang hi . Tuapen CNF/CNA hong huh NSCN( kaplang) phualpi om na mun pen maanla in India thu kan te kiangah puakding ahi hi. Hih thu pen Maj. Zing Cung ngiakin hong sep nangin Pu No Than Kap in asawl ciangin Maj. Zing Cung in " ei tungah I vai ki sapteng hong huh mah mah pawlpite tungah thusia bawl zo kei ning" ci'n na nial hi. Ahi zongin Pu Val Thang in Pu No Than Kap hong thupiakna hi acih teh NSCN phualpi kuamteng meei in a tuam cip  sung in maan la uhhi. India galkap te in Maj. Zing Cung kiangah adot tak ciangin " sun leh zan in meei kai den ahih man in hih zah bek ki kap thei hi" ci'n na dawng kik hi. India galkapte in "vanleng tung pan akikap thei tam" cih adot teh " amau kiangah 'Anti Aircraft 'AA'Thaupi' a neih ban uh meei in liah den ahih the kap ding hak sa  ding hi" ci'n na dawng kik hi. I et kik tak ciangin CNF/CAN tung hongpanpih den ahi ki pawlna te tungah siat na bawl ding  Pu No Than Kap in haksa salo hi. -                      Santhum Nawl lap in NSCN(I-M) pan galkap (30) te Chin Land pan in Nagaland dong akhak lai tak in India galkap te suam sak hi. India galkap ten a suam na ding lampi lam a tot nang un Pu No Than Kap in asawl pen Santhum Nawl lap in um mawh na nei in asawl lampi dan in pai pih lo in adangpan in tonpih ahih man in NagaLand dongah cidam tak  in atungsuak uh hi. Hih thu en leng zong Gamvai  na sem khempeuh bek tham lo nasep pih te tungah cihtak lona, mi hing nun tak na khat zong sing kang ciang kang bang aa ngaih sun lel  Pu No Than Kap  lungsimkoi na ki langh mahmah  hi.  Hih bang thu te ng tawh Pu No Than Kap I cih pen thukhunpi te tawh ki tuak lo leh naseppih te thukim na om lo in ama deih bangin khat guak thu neihna tawh asep abawl na te ki mu thei hi. 1)Numei Tawh Paktat na -          Pu No Than Kap pen numei lam ah a paktak mah mah khat ahih na thu mikhem peuhin atheih sa uh ahi hi. CNF thukhun sung ah nupakiteenna tawh kisai in galkap pasal ahi leh nasep zawh kum(5), galkap numei hi leh kum(3) cing khit te bek in zinei tanei  thei pan ding cih a ki kham na a om hang in , Pu No Than Kap in zi neu nei simbek tham lo in pawlsung nungak khat  buan in a zawl gai sak hi. -                      -          CNF president asep hun sungin numei te pen amah acing dingin agei ah om sakse hi. Aizawl ah om lai in acing aa om numei khat zawlgai sak hi. ( amin phulak ding hoih lo ahi man in ko im uh hi) tua nu pen Pu No Than Kap in nauphiat sak aa si tam pai lua in sibupin asih lawh dektak phialin om hi. Numei nu in thukan commission te mai ah a kicing in pulak thei dingin a ki zawh khit hang in thukan commission te kiang a tun theih loh nang in Pu No Than Kap in commissin te nasep maban te tampi  nawngkai sak hi. -                      -                      Tua lo adang ah ama thu bek mah tawh numei khat  sang kah nang a ki sam sum leh paai tawh  a panpihna thu 1992 kum dong im cip in kua pen hiam cih zong pulakna nei lo hi. Tua nupen NagaLand Makokchung ah Laisiangtho sang kah sakin zi neu  in nei hi, ( Anun tak na la huai na hang in hong im ung). -                      -                      Gamdangah va pai ning ci pong in Manipur gam, Lamka khuapi ah numei khat tawh ki thuah in, a kha bangin tam in khua phoklo liang in nuam sa den hi. Tua ahih ciang in Pu No Than Kap pen mi ginat het lo khat leh numei a ngah zawh sunsun te tawh a pak tat mahmah khat hong hi ta sawn sawn hi. (1)       Ki Pawlna Sumpi Tungah Cihtak Lohna te -          CNF in kawlgam ah Democracy, Federal Union leh Ei leh Ei ki Uk theih nang in a sem a pang kipawlna  ahi hi. CNA pen CNF  ngim na ataangtun zawh nang in mipi sungpan hong piangkhia mipitegalkap ahi hi. CNF  kipawlna sumpi khempeuh pen naseppih kipawlna tuam tuam te kiangpan ahi zongin, gamgi gate te pan siah don napan ahi zong in, gamsung ah siahdonna pan ahi zongin  a ki ngah a hihi. Pu No Than Kap in ama thuneihna a leh lam in zang in atu pa ahi Pu Thawm Hlei Mang (Sum kempi) tawh ki uitui  in kuamah theih lo kal in sum zonna na nei sum met bawl sim uh hi. A nasep uh pen gamgi dung aa khual zin singtangvak  te lam kal ah analtaang te uh maitangsel sa in pang sak uh aa suam in buluh sak den uh hi. Hih thu nam tui lo pen Cabinet Minister meeting sung dong ah nam sia to zo in makai pawl khat bang pawlsung pan nuak in pai khiat lawh liang uh hi. Ki pawlna sumpite zek khiat na lam ah zong  makai dang te theih loh  amah bek thu tawh zek khia hi. -                      -          Mipitegalkap hi hang ci aa thuup na nei ngiat aa ki pia khia  galkap te Pu No Than Kap thupiakna tawh mai sel in mipi tungpan in sum leh pai buluh  uh hi. Pu No Than Kap in mihau te hijack nang in a galkap te zanghi. Tedim lam pan  mihaute Chiamphai lamah a pummat ciang in sumtang Rupee 500,000 bang tawh ki tan sak hi. Angah sun sun uh ahi guktaksum teng pen Pu No Than Kap in amah deih bang in zeek khia hi. -                      -                      1989 kum in India kumpi CongressI pan in CNF aa ding huhna sumpi Rupee 1,000,000 (awn 1) pia khia hi. PuTial Khal  khut tungah sum nget theih na laidal pen a ki kepsak hangin tua laidal pen Pu Tial Khal om loh kal in azi kiangah va pai in a zuau pi tawh khem in a ngah khit teh tua sumpi te a thoh hi. . Tua thu hang in Pu No Than Kap leh Pu Tial Khal ki lep tuah theih loh zah dong in hong ki sia uh hi. -                      -                      1991 kum in Pu No Than Kap, Pu Sang Hlun leh Pu Val Thang te in CNA galkap te tawh ki muh nangin NSCN(K) phualpi ah hong tung uh hi. Wireless Sik Khau Sat na van te nih  hong keng uh hi. Khat pen NSCN(K) tungah itna lahna in pia in, adang khat pen Rupee 120,000 tawh zuak uh hi. Tua zuak na man sum pen Pu Sang Hlun(Vice president)  leh Pu Val Thang (secretary) te theih loh in Pu No Than Kap in NSCN(K) te kiangpan la in na zangsim hi. -                      -                      Tua ban ah  Pu Val Thang (Secretary) in NSCN(I-M) kiangpan in Rupee 200,000   Pu No Than Kap in ngah hi ci in a mawh sak na tung ah  100,000 bek  ka ngah hi ci'n gen khia sam hi. Tua sum ngah na thu pen Cabinet makaite theihsak na nei tuan lo koi koi hi. -                      -                      Chiamphai ah om Gambel bukte  sungaa teng galkap te Zotang, Talangsam gate te ah singtangvak te te tungah siahdongin sawl hi, tuah angah uh guktak sum tepen a tupa  Pu Thawm Hlei Mang in Chiamphai ah Bank khat ah ap sak hi. Pu No Than Kap a ki tawpsak khit teh Pu Thawm Hlei Mang in pawlpi  ah hong ap ciangin Rupee (19) bek hong ap in adang sum khem peuh pen amau aang sungding in  zang uh hi. Hi cih bangin kipawlna sumpi pen amau deih bangin hong zatna uh tungtawn in kipawlna sungah Pu No Than Kap tung lungkim lohna, muanlohna lawi bang hong thang hi.        2)A Nih Vei Na Pu No Than Kap Ki Hawl Khiat Na Thu -          Pu No Than Kap in a thuneih na te pheng zat khialh luat na, na sep pih  lawm leh gual theih lo in minamdang kipawlna te kiangpan sum ngah sim in ai tuam zat  na, sing tang vak leh mi hau te buluh in guktak sum zon na leh numei tawh pak tat luat na  te hangin 1992 kum November 11 ni in Cabinet meeting ah a mawh na te ki thu sit  hi. -                      -          Hih thu akan tel dingin Cabinet meeting pan in thukan commission ding seh uh aa palai(5) tawh na sep ki pan hi. Commission in a nasep uh a ki pat phet in ki pan Commission president Pu Sang Hlun in Pu No Than Kap phuat khiat ahi   Mu Van Lai (MVL) Vice Director pi Pu Andrew Ngun Cung Lian  tung ah thu dot ding a ki sam te dong ding in a sap ciang in a thu sim te uh a k itheih ding dah na tawh tawh Commission sungah ki hel ahi Pu Van Thawm Lian leh Maj. Alexder Hrang Vung Thang te in thu koi hek hek a hi man in Commission ki phiat  kik phot  hi.Tua pa in  Pu No Than Kap thukim na tawh  president Pu Sang Hlun mun ah Pu Tlung Luai makaihna tawh Commission in na sep  kipankik thei pan  hi. -                      Ai hang in ah 1992 kum, December 3 ni in Commission  nasep te aki pat phet kik phet mah in Maj. Alexander Hrang Vung Thang leh Pu Van Thawm Lian te'n a bei sa hun lai mah aa dan in Commission tung ah muanna om zawh loh na leh thuman ka muhkhiat  zawh uh hangin adang Commission  palai(3) in kotungah hong muanglo ahih man in ko ka ki hel  uh pen deih lo ding uh hi cih thu pu lak khia leuleu uh hi. Tua ban ah Commission nasepna tawh ki tuak in amasa lam in thukan na te tungah lungkim kei ung ci in Maj. Alexander Hrang Vung Thang leh Pu Van Thawm Lian te'n Commission pan khawl ung cih lai apuak khit uh teh tawp lian  uh hi. Commission zong bei hiau mawk hi. Hih bang dan Front  makaisung tengah ki lem kik nak thu om lo tektek in ki thu tuah liai liai nang lam et hong bei ta hi. -                      -                      Atawp na ciang in Front  ii ngim na tang tun zawh nang  kal suan na lampi man tung a ki kal suan zawh kik nang , Minam aa ding na sep na te ah lawh cing zawh nang te leh Front a Kip zawh suak  nang te hang in National Security Emergency Committee(NSEC) min vawh in 1992 kum December 9 in Pu Roger F. Biak Lian Thang makaih na tawh committee palai (10) tawh kiphuan khia  hi. Hih committee in John Khaw Kim Thang cih Pu No Than Kap pen pawlpi  thu khunpi te nak zuihloh khe lua hi cih mu khia uh ahih man in 1992 kum December 9 ni zingsang nai 8:38:08 (India nai)  hun lian in CNF makaipi leh member pan in  a khan tawn in a hawl khia uh hi. 3)Pu No Than Kap  Pawlpi Sung pan Hawl Khiat Khit Zawh Thu Pai Zia                                                                         -          1992 December 9 ni in Pu No Than Kap pen kipawlna pan a ki hawl khiat khit ciang in  Pu Roger F. Biak Lian Thang leh Pu Cang Peng te'n India, Bangladesh leh Kawl gamgi ah om CNF phualpi te ah va hawh kawm ding leh, Pu Zing Cung, Pu Benjamin Turing, Dr. Sui Khar leh Pu Andrew Ngun Cung Lian te'n Champhai Refugee camp ah cih bang dan in CNF member te kiangah Pu No Than Kap ki pawlna pan in hawlkhiatna thu tel tak in agen dingin kuan khia tek uhhi. Champhai ah aom sungin Pu No Than Kap, Pu Tlung Luai leh Maj. Alexender Hrang Vung Thang te zong amau galkap te tawh hong tungto uh hi. Pu No Than Kap in akisap mah mahteh a zat ding in  Champhai ah a sel sim Kachin gampan hong puak thau Rifel lawng(5) te tawh Maj. Alexendar Hrang Vung Thang makai in Zote-Talangsan khua kikal ah Maj. Zung Cung leh apawl te (4 )suam ding in  a nal tang te thu pia hi. Ahi zongin Maj. Zing Cun leh apawlte'n Zote-Talangsan lamtawnlo in lolam pi zui in gamgi aa Ciau dung hong tawn uh a hi man in a lawm lui te suam na pan hong suak ta uh hi. -                      -          2007 February 13 in Lairawn Internet "opinion discussion" ah Pu No Than Kap in lai a khak na ah "NSEC in kei kiang pan thu neih na hong tuh lai tak in  Champhai Refugee camp aa wireless sik khau tawh  phualpi ah thupuak leng tu aa hong tung khempeuh mansak leng a ki ngah lua hi. Ahi zongin amau ka hehpih luat na manin aman lo hi ing" ci'n at hi. Ahih hang hih a at thu pen a zuau pi mah hong hi leu leu hi. Banghanghiam cih leh tua laitak in Champhai camp ah wireless sik khau satna  khat bek aom mah bang in Champhai Refugee camp a a va luh  ahi Pu Zing Cung, Pu Benjamin Turing, Pu Dr. Sui Khar, Pu Andrew Ngun Cung Lian te'n a luh masak pen uh tua wireless pen leh Pu Thawm Hlei Mang zat thau (.22) pistol khat hi. Sumkem pu ahi Pu Thawm Hlei Mang khutsungpan in CNF tawh kisai lai kung lai dal  te, sum leh paai te hong ap in a cih uh ciang  in ama khut sungah kipawlna sum Rupee sum 19 bek om lai ci'n ip sungpan in hong pia khia zen hi. -                      -          Pu No Than Kap in Lairawn Internet "opinion discussion" pan agen behna ah "1992 in president pan mun pan in kei hongsuan khiate thukhunpi te om bangin Sih Na thu  ki pia thei hi. Ahi zongin ken pia nuamlo hi ing." Cih agen hangin Maj. Zing Cung leh adang makai te suam lum ding in Ngun Uk Lian leh adang mi khat sawlhi. (theihding: No Than Kap in Zing Cung leh apawlte that dingin asawlpa Ngun Uk Lian mah mah in Zing Cung kiangah 1994 kum  Central phualpi ah kibawlahi lungdam bawlah a pu laj na pan ki theih kha pan hi.) Pu No Than Kap in sisan nai san luang  nuamlo acih pen atung aa thu sim leng hang hong khem na ki lang mah mah hi.   -                      -          CNF pan a ki hawl khiat khit in Pu No Than Kap in ama nuzui pawlkhat tawh hong ki pan kik uhhi. India northeast ah  Singnuaimi Kipawl na khat mah a hi NSCN(K) kiangah galsim pilna thu sin dingin  a mite a pai sak hang in tualak pan in asanggampa tapa Kap Luai leh adang khat te ki thah sak in taangtung  zo tuan lo uh hi. Tua khit zawh ciangin gamgidung ah a nungzui pawl khat guktak in sum luh uh hi. Atawpna ah India kumpi in amau gamtatna pen en thei nawnlo ahih man in manin Mory pan in Tamu aa Kawl kumpi tungah ap uh hi. Amah zat den ah "sisan nai san luan ding ut loh man in bangmah ka cih lo hi"  acih  te tawh a ma gamtatna te tawh et kak leng ki leh bulh  mahhi. Alal  theih lo na pen India kumpi in a mat hang ahih man hi. 2)Falam leh Hakha Bang Hun in Ki Tel Khial Hiam ? -          Pu No Than Kap pen 1992 kum  pawlpi pan aki hawlkhiat nungsang amah in "Hakha te in ei Falam te kipawlna pan hong nawl khin hi" ci thu pen tu dong mah gen gen lai hi. Hih kam mal pen Falam sanggam tengin aman mah sa uh hi. Tua bek tham lo in Hakha in Falam te kiang pan  ei gam Khuapi din mun hong sut khia uh hi cih up mawh na zong a vom tek pian sim uh ahih kawm teng tawh  Hakha leh Falam  mi nam te ki kal ah ki  tel khialna  hong tam to tek tek hi. Hi ci bangin Chin minam makai pen Falam ahih man in adang khualam te in thuneihna ngah nuam ahih man in kei Pu No Than Kap pen hong hawlkhia uh hi a cih  zenzen pen thu man lo hi. Athu pen anuai aa bang ahi hi. -                      -          1992 kum November kha in a ki bawl cabinet meetingah president ahi Pu No Than Kap tung ah a mawhsakna uh a sun uh tak ciangin "kei Falam ka hihman in hong mawhsak hi uh teh, Hakha te in thunei nuam zaw a hih man in thu hong bawl hi uh teh" cih in thuk kik hi. Tua thu aki zak aa kipan in Pu Roger F. Biak Lian Thang, Dr Pu Sui Khar leh Maj. Zing Cung te'n Falam lampan CNF makaite ahi Maj. Alexenda Hrang Vung Thang, Pu Thawm Hlei Mang, Pu Ni Li Lian te tawh Aizawl aa Albert Ceu Hlun inn ah November kha  kuan ni( 2) tak ki mu in thu ki kum  khawm uh hi. Tua aa buai na pen Falam leh Hakha ki bat loh na hang hi lo in Pu No Than Kap mawh sak na bek ahi na thu sung uh hi. "Falam te president ahi hang ci'n na aa  na ngaihsun khak vua leh nong teng( 3) lakpan in khat in president mun hong sem le uh teh" acih tak ciang un amau lam pan in "Pu No Than Kap lo siah hong makaih thei ding mi omlo hi. Pu No Than Kap om kei leh ko zong sem nawn kei nung, amah om leh ko zong om nung" ci'n in gen kik uh hi. Gam leh minam aa ding a nasep na te uh Pu No Than Kap hang asem tawh hong ki bang mawk hi. Hih bang teng tawh in khat leh khat ki lem nang bawl theih ding in hong om lonlo mawk ta hi. -                      -          Tua a hi ciang in NSEC aki phuat tung lai in Maj. Alexender Hrang Vung Thang, Pu Thawm Hlei Mang leh Pu Ni li Lian te NSEC sungah ki helsak  lo pah hi. Banghang hiam cih leh amau lung kim na om lo pi in, zawh thawh na  thu tawh a ki kai hi cih  kam mal hong  ging khia ding in  NSEC  sung ah ki tha nem lawh ding  bek tham lo in, India kumpi, adang naseppih kipawlna tuam tuam te tawh kizopna ah hong nawikaisak thei cih na ahi zongin, Pu Tlung Luai leh Pu Sang Hlun te zong aki hek loh na te hang ahi zongin,hong pai ding kha (6) sung in aki bawl ding pawlpi bup khawmpi pan in hong ki hel kik thei tek ding uh cih lung muan na te hang zong in a hihi. Ahi zongin gamleh mi nam aa ding  nasep nate pen a baih lam khat zong om lo in gil kial dangtak na tam zaw  ahih man in tua  bang aa hak sat na tuam tuam te pan a tai san nuam palai pawl khat in a tung aa buai na te pau lap in Galkap sung pan tai khia uh hi/ -                      -          Bangbang aci zongin Pu No Than Kap in " Thu nei nuam  sanggam dangte  in Falamte hong hazat luatna hang hi"cih in siatna khaici avawh hang mahmah in zong galkap  sungpan in apai khia zong uh hi. Zan deuh in hong bawl laibu ahi Aw Falam a cih pen en leng  hang Chin minam bup sang in Falam te bek a khantoh theih na ding uh lungsim toi na leh khua leh tui  hai it na lungtang a khauh luat na te zong ki mu khia thei hi. -                      -          1992 kum centrel committee meeting sungin thau lawn khia liang hai hawk gawp ngei  lai hi. Tua meeting sung mah in Pu Val Thang leh Pu No Than Kap ki kalsung kitelkhial na neingei uh hi. CNF phualpi ah galsim pilna sin na khat ah zing sang nai 5 pawl  a zingtai  galkapno te in "bang loh ne ley, lae cih nae de, bar ah tuat le Chin land ah tuat, bar seit dat le, tan manih seit dat" a cih diam diam uh pen ka beng ngong lel uh  the ci in amah pistol  van lamah ngat in hai kap ziahziah ngei hi. Ana sep pih  makai te kiangah zong "No biakinn na pai ciangun zong Hakha pau, Pasian la nasak uh ciangin zong Hakha la mah, galsim nasin uh ciangin zong Hakha pau mah abang aci na uh hiam "ci in hap gawp ngei hi.  Atak tak in CNF/CAN sung Hakha pau bek tham lo in adang pau tuam tuam zong tampi tak kizang khawm hi. 1988-1992 kum sungteng in CNF in kipawlna sungah minam bup ki pum khat theih  nangin han ciam in, ei mi nam tek ai tuam it na, ki dei dan na te a kiam nang in a ki hahkat mahmah laitak ahi hi. Tua hunlaitak hi kipawlna sungah minam tuam tuam atam pen in aki hel laitak ahi hi. Ahi zongin Pu No Than Kap in sanggamdang te  kam pau te ki theih loh nei hin in Zumlai leh galkap sung aa kam mal zat te ah  Falam kam tawh khel sak in hong zang khia hi. -                      -          Pu No Than Kap CNF makaih sung in kipawlna sungah khua leh tui ki bat loh na tungtawn in   nasep na te ah deidan ahih man in pawlpi  sungah pian na khua leh tui ki deidan na ki nak vom tek san mahmah hi. Chin mi nam khat hih khop na bul phuh lo mawk in  Falam, Hakha, Matu, Mara cih bangin khua leh tui ki lamdang na tung tawn in na sep sawl in thu vai hawm hi. Pawlkhat leh pawl khat ki muh dahin ki ngik ngik leh ama thu neih na akip zawh in mu in tua bang in thu a vai hawm hi. . General Secretary asem ngei Pu Val Thang kiangah " nang pen president munah hong koih nuam mah mah sam hi veng Pu Sang Hlun leh Dr. Pu Sui Khar te'n nang hong deih lo man in kong koih lo hi. Cih Pu Val Thang kiangah ci in khem ngei hi. Pu Val Thang in zong atak pi mah sa in "Hakha te in keipen president mun ah hong deih loh man in kei CNF pan kei atawp hi ing" cih 2005 February kha in gen hi. Pu Val Thang in secretary asep laitakin  Pu No Than Kap in president mun leh galkap mangpi sem hi. Vice Chairman (2)  Defence Minister  pen Colneral Pu Tlung Luai hi. Galkapmang pen Maj. Hrang Vung Thang hi. Thu khat in ci ding hi leng  hang thu neih na mun thupi khempeuh  pen Pu No Than Kap  mite khut sungah  a om hi. Pu Val Thang pen president apiak nuam aa leh kuamah in ngial in lo ngel ding hi. Kipawl nasung  khat leh khat ki tel khil in ki buai  ngei ngai den leh a mah al ng pang zo ding om lo ding in  amah bek thu neih na a let cip nop na  hangin Matupi pan Pu Val Thang leh Hakha pan Pu Sang Hlun, Dr. Pu Sui Khar te kikal sung ah a ki tel khiah nang un khem kiau kiau se hi . 5)CNA Phuan Khia Pa Ahiam ? Hruai Tu  te tawh ki muhna ah CNF makai masa pen Pu Tial Khal. Pu Ro Eng, Pu Lian No Thang te hi in CNA makai masa pen kei hing a cih tawhki sai in athu in hih bang dan hi. -          1988 November kha sung in Pu Andrew NgunCung Lian leh Pu Benjamin Turing te Arakan Suahtaknang Pawlpi(ALP) te kiangah galsim pilna sin dingin va pai uh hi. 1988 December kha, 1989 January, February kha in KIA te kiangah galsim pilna sin ding in ahon hon in kipai ziah ziah hi. 1989 February in KIA battalion( 6 )ah galsim pilna sin dingin Chin khangno 66 ki sutuah khawm uh hi. Tua lai pan in KIA BrigateNo( 3) phualpi leh KIA  te galsim pilna sin na  phualpi dongah khe tawh va pai in 1989 March 21 ni in mi 66 bang pilna sin na compound pisungah tung uh hi. 22 ni in thusin na ki pan in 1989 May kha 8 ni in  na man zo uh hi. Chin minam flag   len khawm in thukiciam na a bawl khit uh teh CNAhong piang khia a hi hi. -                      -          1993 kum June kha in ki bawl pawlpipi ah  galkap mimal simna ciamteh na bawl ding ahih man in KIO te kiang pilna ava sin te kiangpan kipan in mimalsimna bawl ding thuki khen sat  hi. Tua ahih man in Chin galkap te KIO te kiangpan in Gal thusin na manzawh ni lian Chin minam flag len in kiciamna a bawl uh  1989 May 8  ni kicih dinghi. Ahi zongin CNA te in Chin galkapte ni cih bangin ciapteh na ki nei nai lo hi. -                      -          Chin galkap kipat in kihel ing acih tawh kituak in Pu No Than Kap CNF ah hong lut ma in 1988 March 20 in CNF kipat cil lai pek in Pu Ro Eng pen Galkapmangpi sem khinin CNA leh CNF pen tha khat in ki phuan khawm pah hi. -                      -          Pu No Than Kap in CNF/CAN a om khit pek teh CNF sungah hong lut in gamdangkizop na lam ah secretary asep laitak in Pu Ro Eng penin Galkapmangpi zapen nasem khin ahih teh Pu No Than Kap pen  CNA phuan khia pa hong hi het lo pah hi 6)UNO ah Chin Minamte A Ding A Phu Masa Pa Maw ? -          UNWGIP cih pen UN  ki pawl na sung ah  aniam pen mun ahi hi. Minam ki deidan na om lo in a ut te vaki hel thei hi. 1993 kum in NDF pan in  pawl khat in Europe lam ah khual azin lai un UNWGIP meetingah va kah  kha ngei uh hi. Tualaitak in NDF sung pan in CNF palai pen Dr. Vumson Suantak (si khin) ahi hi. Chin minam sungpan in UNWGIP ah meeting ah ki hel masa in Dr. Vumson Suantak  zaw hi. -                      -                      UN ah bangmah  ki deidan na om lo in a ut ten  lai ki gelh thei hi. Sep leh bawl na tawh ki sai thukhun nambat1503 tawh ki tuak in Mihing hamphatna asum kha te a hi numei pasal  akuakua in thu va gen  thei hi. Tua lo in kipawlna min tawh zong thu ki puak thei hi. Hih bang hangin Kum khatin UNzum ah alut lai awn (3) leh (4) ki kal ngah uh hi. UN General Secretary tungah zong lai ki puak thei hi.ZORO in zong lai khak khak hi. High Commissioner for Human Rights kiangah zong lai kikhak thei hi. 1990 ma in hih zum om nai lo hi. Mikhempeuh at theih hi lel in Pu No Than Kap kia bek in at theih hi lo hi. 7)Geneva Pan in Kawl Kumpi Tung ah A Suah Tak Nang Ki Nget Sak Hiam -          Geneva pan Kawl kumpi kiangah kasuahtak theih na dingin thupuak ahi zongin, Galkap kumpi leh Mualtungmi Gamvai ki pawl na tuamtuam te ki kal ah kilem nang abawl hun tawh ki tuak ahih manin kei pen hong suak tak sak hi cih pen ahi thei lo hi. Ama phuah  tawm thu hi. Geneva cih kamal pen aki tel lo min khat ahi hi. UN ahi kei leh Geneva ah om NGO khat peuh peuh ahi kei leh mimal khat peuh peuh hi thei hi. -                      -          UN Mechanism ah hi bang dan in ki matna a thuak tetawh ki sai in UN Working Group Enforced and Involuntary Disappearances  te kiang ah thu ki puak thei hi. Athupuak na tawh kizui in a gam a gam aa kumpi te tungah thu zasak na nei kik  ham tang uh hi. 1996 kumsungin hih kipawlna te in angah uhlai te pen Kazastan, Tunisia, Turkmenistan, Zimbabwe gamteng bek hi. 1997 in Gambia, Saudi Arabia, Zambia gam te pan ki beh lap hi. Kawlgam pan in thupuak na om lo hi. Thu dangkhat ah Special Repporteur on Myanmar tung ah thu ki puak thei hi. 1996 kum Special Rapporteur on Myanmar thu puak na en leng hangin Detention nuai ah Pu No Than Kap thu khat zong ki hel lo hi. 1997 kum thupuak na ah zong ki hel lo hi. Tua ciangin Pu No Than Kap in Geneva acih pen UN ahih loh lam hong  ki lang mah mah hi. -                      -                      NGO khat peuh peuh hi thei I cih na tawh ki tuak in Pu No Than Kap vai tungah Society for Threaten People cih NGO in gensak zong hi thei sam hi. Pu No Than Kap bang aa thu te pen tu aa NGO in asep pi pen hi. Ahi zongin tua NGO in bang zah ciang in hongsep sakzo dinghiam?, Kipawlnanei ki cian lah ahi lo tawh mi khat peuh  vai in hong gen sak ciang bangmah ki lam dan na om lo dinghi.  Pu No Than Kap bek tham lo in Kawl kumpi amat uh kawlgam democrecy makaipi Daw Aung San Suu Kyi leh U Tin Oo, Mualtungmi te makaipi ahi Khun Tun Oo te akhah khait kiknang un Geneva bek hi lo gam tuam tuam leh Security Council pan in acih zong athu sim loh in kum sawt pi tak thong sungah a koih na thu I theih ciat sahi. 8)Kawl Kumpi Kiang A Ki Ap Hi Zaw Hiam or Hi lo Hiam ? -          KawlGalkap kumpi in gamvai lam ah amat te kiangah amau ii gam thu din mun,  minam suahtak  nang  ngaih sut na leh  a bei sa aathu le la te khempeuh tawh ki zom nawn lo in hoih tak in, dai tak in om ta ning acih te bek mah khahkik uh hi. Chin taangthu en kik leng Major  Suan Kho Pau leh Pu Hrang Nawl, Pu Ro Thang te India kumpi in amat khit teh Bo Ne Win kiangah  a ap tak ciangin amau in amau ii up na, minam suah tak nang lung gulh na te  khiam nuam lo uh a hih man in kum sawt pi tak gilbem ah ki man hi. Gilbem ah ki mat hun a bei tak ciang hong suah tak  khit na ngawn un amau gam tat na te ki en cik  den lai hi -                      -          Pu No Than Kap zong India kumpi in amat khit teh kawl kumpi te tungah aki puak khat ahi hi. Kawl kumpi kiangah Pu No Than Kap in ama gamthu lam ah up na,mi nam suah tak nang aa lung gulh na te pom tnetan lai lehten tan taktak lai leh kum sawt pi tak mah gilbem ah om dinghi. Tu aa bang in  suak tatak in aom theih na hangin Kawl kumpi tungah Pu No Than Kap pen kei kanasep na ah mapan na bangmah nei nawn  mah mah kei ning, biak na vai lamah sem ta ning acih na thu ciam na khat  a bawl  uh hang hi . Tua ban ah  Chin minam bup sungah Kawl kumpi in ki lem loh nang amah tung tawn in molh tum in zat nop hang  hi thei laihi. -                      -                      India kumpi in amah alangpang kipawlna te tawh ki zop na a nei  khat peuh peuh a cing a kem ding in police te zang hi  acih pen a khiat na om vet lo hi. A tung aa kong phu lak khiat mah bang un   (NSCN-K) te pen India kumpi tungah zuak in NSCN (I-M) leh CNA te suam theih nang in thu a vai hawm ngei na te tawh  ki zui in Pu No Than Kap tungah muang  vet  loh a hih man un a tai mang ding pa tau in a police te uh a cing sak uh a hi hi .         Thu Khup Na -          CNF in Chin minam bup aki sam ei leh ei ki uk theih na, democracy leh federal union lam kik theih nangin aki phuan khia ahi hi. Mi mal khat, mi nam khat aa ding ngaih sut na hang tawh ki pan hi lo hi. Suakta tak in ki uk theih na, democracy leh federal gam lam kik theih na ding thu up na leh lung gulh na te pen  Pu No Than Kap  bek ut leh theih hi lo bek tham lo in   Falam, Hakha te bek theih leh ut zong hi tuan lokhong hi . Chin minam bup  lam et na leh Chin ninambup te aa ding ki sam policy ahih na thu mi khempeuh theih sa ahi hi. 1988 kum March 20 pan Chin gam it mi tampi tak in amau nuntak na pia khia in kum 19 sung bang aki zomsuak  toto hi in makai te a ki khel zongin CNF  policy pi (3) te ki khel  tuan lo hi. -                      -          Pu No Than Kap pen Pu Tial Khal leh CNF makai te in CNF pan in a ki hawlkhiat lai tak in amah lungsim tawngpen ki thei lo ahihman in tuhun ciang aa CNF ah minam aa ding mapang khawm te in amah lam ah panpih kha uh hi. Ahi zongin kum 4 bang hong sawt khit teh amah lungsim, ngaih sun na, nasepna te in Chin galkap sung leh Chin minam khempeuh aa ding siat na hong tung sak mah mah ta a hih man in CNF president mun, Galkap mangpipa, CNF kipawlna sungpan khan tawn  dongin ki hawl khiaa hihi. -                      -                      Pu No Than Kap in CNF kipawlna kitap na pen agen den na ah " Hakha tein nampi lungsim nei, thu neihna nei nuam, Falam te makaih na ah deih lo" cih agen pen ama angsung , a nun tak na, gamvai na sep na,Pasian na sep na ah vang kiam in a min dai ding na pan ak idal noop na hang in  a zuau bu lom tang hong phuak phuak  ahi hi. Ei mi te taang thu ah hih bang thusia  hong om na pen Pu No Than Kap thu man loh na, ama thu leh lah tel loh na, mi nam it loh na,ang sung bek thei na,a ma thu bek thu asak na,  aut ut in nasep pih te  tung ah thah leh hawlkhit cih te  hong zat luat hang hi. -                      -                      Tua ahih man in Chin minam bup in Pu No Than Kap tawh kisai in hih thu leh la te  kong phu lak khiat na thu uh hoih tak in tel in CNF in mimal khat aa ding leh khua khat peuh aa ding na sem hilo in ei leh ei ki uk theih na, democracy leh federal ngah nangin upna leh a lunglut khem peuh tawh aki  pawl khawm pawlpi ahi na thu pom ciat in kipan pih in, tha ki pia ciat ni ci in hong zawn ung ei. Thu leh la zak sak na Chin National Front Chin Land