Zomi Christian Church (ZCC)
Kikhen thang a eima vai bek na sepna pen mi pawlkhat in khantohna in a muh lai tak un, USA gam sung a Tennessee leh Kentucky a teng Zomi te in kipawl khawm a na sepna pen khantohna hizaw hi ci’n mu uh hi. I paunak sungah “ Nupa kilung tuak khua khat in zolo, khua khat kilung tuak khua kua in zolo” cih a om bangin i omna mun ah i tawm i tam zongin kipawl khawm siam peuh leng i hihna leh i biakna kikem cingzo ding cih zong Zomi te in kiphawk ciat hi.
Zomi te pen i pianna ( i gam) ah haksatna tuamtuam hangin i bitna ding leh i suahtakna ding zongin i pu leh pa te theih lohna gam ah zin leh vak in i om hi. I tunna gam pen eigam hilo a, minam dang te gam leh lei, ngeina sungah kidiah i hih manin khualmi (pemta) i suak tawntung hi. Kawl te in, “leitung a kisiat hangin i minam bei lo a, minam dangte bawlsiat na hangin i minam bei hi” a cih uh bangin Zomi te zong mi gam leh lei a om i hih manin i minam vai leh ngeina te ei mah in i kep cing kei leh minam mangthang suak taktak ding hi. Zomi i hih manin i minam hihna (Zomi i hihna) i kepcing zawh ding pen a thupi hi a, tua kepcingna dingin minam bulphuh a na sep khop ding a thupi pen a hihi.
I minam hihna kepcing kawm mah in i biakna zong kepcing ding a thupi mahmah a hihi. Israel minam te zong minam dangte khutnuai ah sila in a om laitak un amau biakna kepcing ding na hanciam den uh hi. A nungta Pasian biakna pan a tai khiat uh ciangin gentheihna leh haksatna tampi na tuak uh hi. Zomi te zong minam dangte lak ah i om hangin i biak a nungta Pasian pen taisan loh ding thupi hi. I biak Pasian pen a kibang hi a, Zomi te in biak piakna i neih khop theih ding zong a thupi mahmah khat a hihi.
Kipum khatna i cih ciangin “ a kibanglo nate kibat sak ding hanciam sangin i kibatna omsa te tungtawn in kipum khatna” pen a hi thei leh a hoih pen a hihi. Bang hang hiam cih leh khanglui te in “ unau khat zong tangthu gen dan kibanglo” a cih uh bangin mihing khat leh khat pen kilamdanna ( kibat lohna) a nei tek i hihi. USA gam sung Tennessee leh Kentucky sunga om Zomi te’n zong i kibatna omsa thute a hi, Zomi i hihna leh a nungta Pasian biakna ( Christian) thute meilet leh bulphuh in Zomi te’n i minam hihna leh i biakna kepcing ding thupi kisa hi. Hih a tunga thu nih te bulphuh in Tennessee leh Kentucky a teng Zomi te’n kipum khatna ding ngimna tawh thum (3) vei bang thu kikupna a kineih khit teh July 25,2007 ni in “ Zomi Christian Church (ZCC)” ci’n pawlpi khat kiphuan khia hi.
ZCC pen Zomi bup kipawl theihna ding leh biakna pawlpi (denomination) tuamtuam te kikhenna om lo in, Zomi khempeuh leh Christian khempeuh kipawl theihna ding pawlpi ( Church) a hihi. Tua pawlpi (Church) sungah tuiphum ( Baptist), AG, UPC,RC,EBC leh pawlpi ( denominations) tuamtuam te kideidanna om lo hi. Zomi bup pawlpi ( Church) khat a Pasian biak khop theihna ding ngimna pi pen a hihi.
ZCC in mailam ah nasep ding leh lunggulhna tampi nei hi. Tua te sungah minam dangte pangbel lo in USA gam sungah Zomi te’n biak inn khat neih zawh ding zong ngimna khat a hihi. ZCC in biak inn neih khit ciangin minam vai leh biakna vai tuamtuam pen tua biak inn bulphuh in nasep ding zong lunggulhna a hihi.
ZCC ah pawlpi kem sia ( Pastor) kinei lo phot a Executive Committee (EC) kitel in, tua EC in ZCC i nasep ding khempeuh hong sem to ding hi. Numei lam tawh kisai thute a van dingin Woman Department kikoih hi. Khangno te zong Youth Department khat in ding pah hi. Zomi sungah naupangno te zong biak inn ah Sunday School kah in Pasian thu leh Zolai, Zomi tawh kisai thu sinsak ding ngimna kinei hi.
Nimit August 05,2007 ni in, Zomi Christian Church ( ZCC) kikhop kipat cilna kinei hi. Tua kikhopna ah Tulsa , OK pan a hong zin Sia Suan Za Lian ( Lianno) in hanthotna hong nei in Zomi te a ding thu manpha tampi hong gen hi. Sia Eddie Ngin Hang in Zomi te pen Zomi hihna leh Christian hihna ah kibang i hih manin kideidanna omlo in Pasian biak khop theihna ding thu manpha tampi hong gen hi.
ZCC pen Zomi khempeuh a ding leh Pasian bia mi khempeuh kipawl khopna mun a hih mah bangin a bei sa a Zomi te kikhen thang na pan kigawm kik lam manawhna ding a kalsuanna kipatna zong a hihi. Pawlpi ( denomination) tuamtuam a kikhenna pen khantohna hi lo a, kipawl khopna pen khantohna hi zaw hi. Kipawl khop kikna lam ah kikal suan ta a hih bangin Zomi te sungah pawlpi ( denominations) tuamtuam te in Zomi hihna leh Christian hihna bulphuh a pawlpi ( Church) khat phuh khiatna masa pen hi dingin ka um hi.Pasian it mite a ma pumpi a it bangin midang te leh a minam it a hih manin midangte tawh kipawl khawm thei hi. I biak Pasian khat hi a, minam khat i hih manin Pasian it mite a dingin kipawl khawm a a ma ( Pasian) biak khop ding pen hamsa hetlo hi.
Thu puak,
Tual Khan Suan (Suanpi)
Kikhen thang a eima vai bek na sepna pen mi pawlkhat in khantohna in a muh lai tak un, USA gam sung a Tennessee leh Kentucky a teng Zomi te in kipawl khawm a na sepna pen khantohna hizaw hi ci’n mu uh hi. I paunak sungah “ Nupa kilung tuak khua khat in zolo, khua khat kilung tuak khua kua in zolo” cih a om bangin i omna mun ah i tawm i tam zongin kipawl khawm siam peuh leng i hihna leh i biakna kikem cingzo ding cih zong Zomi te in kiphawk ciat hi.
Zomi te pen i pianna ( i gam) ah haksatna tuamtuam hangin i bitna ding leh i suahtakna ding zongin i pu leh pa te theih lohna gam ah zin leh vak in i om hi. I tunna gam pen eigam hilo a, minam dang te gam leh lei, ngeina sungah kidiah i hih manin khualmi (pemta) i suak tawntung hi. Kawl te in, “leitung a kisiat hangin i minam bei lo a, minam dangte bawlsiat na hangin i minam bei hi” a cih uh bangin Zomi te zong mi gam leh lei a om i hih manin i minam vai leh ngeina te ei mah in i kep cing kei leh minam mangthang suak taktak ding hi. Zomi i hih manin i minam hihna (Zomi i hihna) i kepcing zawh ding pen a thupi hi a, tua kepcingna dingin minam bulphuh a na sep khop ding a thupi pen a hihi.
I minam hihna kepcing kawm mah in i biakna zong kepcing ding a thupi mahmah a hihi. Israel minam te zong minam dangte khutnuai ah sila in a om laitak un amau biakna kepcing ding na hanciam den uh hi. A nungta Pasian biakna pan a tai khiat uh ciangin gentheihna leh haksatna tampi na tuak uh hi. Zomi te zong minam dangte lak ah i om hangin i biak a nungta Pasian pen taisan loh ding thupi hi. I biak Pasian pen a kibang hi a, Zomi te in biak piakna i neih khop theih ding zong a thupi mahmah khat a hihi.
Kipum khatna i cih ciangin “ a kibanglo nate kibat sak ding hanciam sangin i kibatna omsa te tungtawn in kipum khatna” pen a hi thei leh a hoih pen a hihi. Bang hang hiam cih leh khanglui te in “ unau khat zong tangthu gen dan kibanglo” a cih uh bangin mihing khat leh khat pen kilamdanna ( kibat lohna) a nei tek i hihi. USA gam sung Tennessee leh Kentucky sunga om Zomi te’n zong i kibatna omsa thute a hi, Zomi i hihna leh a nungta Pasian biakna ( Christian) thute meilet leh bulphuh in Zomi te’n i minam hihna leh i biakna kepcing ding thupi kisa hi. Hih a tunga thu nih te bulphuh in Tennessee leh Kentucky a teng Zomi te’n kipum khatna ding ngimna tawh thum (3) vei bang thu kikupna a kineih khit teh July 25,2007 ni in “ Zomi Christian Church (ZCC)” ci’n pawlpi khat kiphuan khia hi.
ZCC pen Zomi bup kipawl theihna ding leh biakna pawlpi (denomination) tuamtuam te kikhenna om lo in, Zomi khempeuh leh Christian khempeuh kipawl theihna ding pawlpi ( Church) a hihi. Tua pawlpi (Church) sungah tuiphum ( Baptist), AG, UPC,RC,EBC leh pawlpi ( denominations) tuamtuam te kideidanna om lo hi. Zomi bup pawlpi ( Church) khat a Pasian biak khop theihna ding ngimna pi pen a hihi.
ZCC in mailam ah nasep ding leh lunggulhna tampi nei hi. Tua te sungah minam dangte pangbel lo in USA gam sungah Zomi te’n biak inn khat neih zawh ding zong ngimna khat a hihi. ZCC in biak inn neih khit ciangin minam vai leh biakna vai tuamtuam pen tua biak inn bulphuh in nasep ding zong lunggulhna a hihi.
ZCC ah pawlpi kem sia ( Pastor) kinei lo phot a Executive Committee (EC) kitel in, tua EC in ZCC i nasep ding khempeuh hong sem to ding hi. Numei lam tawh kisai thute a van dingin Woman Department kikoih hi. Khangno te zong Youth Department khat in ding pah hi. Zomi sungah naupangno te zong biak inn ah Sunday School kah in Pasian thu leh Zolai, Zomi tawh kisai thu sinsak ding ngimna kinei hi.
Nimit August 05,2007 ni in, Zomi Christian Church ( ZCC) kikhop kipat cilna kinei hi. Tua kikhopna ah Tulsa , OK pan a hong zin Sia Suan Za Lian ( Lianno) in hanthotna hong nei in Zomi te a ding thu manpha tampi hong gen hi. Sia Eddie Ngin Hang in Zomi te pen Zomi hihna leh Christian hihna ah kibang i hih manin kideidanna omlo in Pasian biak khop theihna ding thu manpha tampi hong gen hi.
ZCC pen Zomi khempeuh a ding leh Pasian bia mi khempeuh kipawl khopna mun a hih mah bangin a bei sa a Zomi te kikhen thang na pan kigawm kik lam manawhna ding a kalsuanna kipatna zong a hihi. Pawlpi ( denomination) tuamtuam a kikhenna pen khantohna hi lo a, kipawl khopna pen khantohna hi zaw hi. Kipawl khop kikna lam ah kikal suan ta a hih bangin Zomi te sungah pawlpi ( denominations) tuamtuam te in Zomi hihna leh Christian hihna bulphuh a pawlpi ( Church) khat phuh khiatna masa pen hi dingin ka um hi.Pasian it mite a ma pumpi a it bangin midang te leh a minam it a hih manin midangte tawh kipawl khawm thei hi. I biak Pasian khat hi a, minam khat i hih manin Pasian it mite a dingin kipawl khawm a a ma ( Pasian) biak khop ding pen hamsa hetlo hi.
Thu puak,
Tual Khan Suan (Suanpi)
