TON ZUPINUN LEH SIAL-KOPGAWH THU ( Ton la namkim)

Feb14,2007 Tangsuahna lapi Tonla pen kibansak mawklo hi. Ahun leh amuntawh kituak iin sa uh hi. Ton sungin nisim in  zu-taangtep hun omsak uh hi. Zu-taangtep man ciang iin Misam leh Tuitawi makai iin, phaitam pan innkun ah songpi kimkot iin tuangdung dong iin laam uh hi. Nitak anneek-khit sim in Misam-tuitawi leh Tonzo om khempeuh taangsuak uh hi. Taangsuah ciang-a sakding lapi khat nei uh hi. (a) Tong ii suan tong leleu e, hang ii suan hang leleu ee, (b) Tong ii suan leh hang ii suan aw khuakhang ciau bang peelmawng e....ci uh hi. Tong ngeisa te asih ciang iin kizan-pusuah hi. Hih lapimah sa ngiatngiat hi. Sun si-pusuah hun iin zong tuamah sa hi. Amau-hun aading iin thupi-suah sak mahmah uh hi. La asak ciang iin nawhsaisai lo, alaam ciang iin tuansaisai lo iin, manman iin laamkawm in lasa uh hi. Khuangleh zam tawh kituak tak iin lumdimdim hi. Hih lapi asak keileh, (a) Katon khuang aw thangzawm aw e kahan khuang aw thang zawm aw (b) Tonkhuang leh han khuang thuang e, mual ii hem-a thangnah e.. ci uh hi. Ton la tuamtuam (a) Sawmsial lam aa gualsing hing e laimi-hen aa thang hing e (b) Gualtung va bang tuanna ding aw theihloh vazun-gia aw e (a) Sawmsial gawhlu ih pang mai-ah a kii hiangsing bang zau e (b) Tun thawl thot(thuan) aa kaciin thang aw ,ih thaamna suanggam aw e. (a) Taang bang dam di kadeihman in dit tawh laukha hual ing e.(b) Sawmsial aa laukha hual aw e a nahsawl hul manlo e (a) Katon-khuang aw thangzawm aw e kahan-khuang aw thangzawm e, (b) Tonkhuang leh han khuang thuang e mual ii hem-a thangnah e (a) Sial aw kalam lohpi aw e sial ii ki mah tum ing e (b) Taang aw kakhawhloh pi aw e taang ii zuu mah tep ing e (a) Khau vasat khau vasat aw ee zawl Thang aw khau vasat aw (b) Zawlthang aw khau vasat aw sial khihna di kakhuasik zang ei zawl ee. (a) Simsing lungdeih sawmsial aa lak sumtualah kui ngilngel e. (b) Daiteng phuigua phunglai ningzuu sumtual gawl bang kiim sang e.. (a) Tanggual lenna ciaugal nunnuam lenmui kaai zilzial aw e (b) Lennui kaai zilzial nuai aa e sa limlian phungcing aw e (a) Daiteng phuigua khansiamno aw thai tawh deih aa zek ing e (b) Thai tawh deih aa zek ing e gual tung tuan nan bawl ing e (a) Khuamual aa len siasing aw e ngauzzu aa kalak aw e (b) Ngauzuu aa lak lensia sing aw gamsing bang mang song aw e. (a) Ih sumtual aaphuigua-lum zem aw mauki hunna kasa e..(b) Mauki hunna lah hilo aa kawitawh laukha kahualna aw e. (a) Ih tonsawl leh ih hansawl aw huihkhi tan seem ngelngel e, (b) Huihkhi tan na seemlo aw e a pallai naheu lo aw.. (a) Thawm te sawmsial limlian aw e laukha kahualna aw e. (b) Laukha hualna sawmsial limlian zua pang mai-ah a ki hiangsing bang zau e (a) Simsing kadeihno leh daiteng phuigua kop aa tuu bang suan ing e (b) Tulmawh hen aw khuakim gen ding zolei thalpan kai hen aw. (a) Ih sumtual aa sawmsial limlian aw phung in bawm e miza in bawm e (b) Phung in bawm e miza in bawm e, kuahsuang pallun e vaza in bawm e (a) Kathai lungtup Thawm te sawmsial kawmpal kaisak zel ing e (b) Tang kalungtup leido sumlu lak vazo sak zel ing e. (a) Sumtual tonsawl setang gelcing seino lungtup tung sang e (b) Seino lungtup tung sang e sumtual buancim kai sang e. (a) Heilep ee heilep ee sangleng phualmul heilep ee..(b) Zangleng phualmul heilep e gawhtam kasimna aw e (a) Go tuan ee go tuan ee sawmsial lian go tuan ing e (b) Saai tuan e saai tuan e kalam daal saai tuan ing e Aailawng la Aailawng la kici iin songnuai-ah songsui te leh songpua te in apawlmat teng tawh songnuai-ah uai ngiaingiai iin kisa hi.Aailawng lasa kici ngeilo hi. Aailawng-to kici hi. (a) Sa hong...suak sa.. hong suak ve e...sihlui.. aa sa .. hong suak e... (b) Gual in.. kangthal.. apaih ..aaleh umpaih..nah liai..liai ung e.. (a) Sial hong..laam sial..hong laam ta e.. Thawm ii..sial khawi.. hong laam e (b) Atat ..na Khum..Nuai hi veh e..apian na tui.. thang hi ee.. (a) Katuah.. phat ka.. tuahphat aw e... tanglui ..lui aa.. ka tuahphat ee (b) A teng..ah aii.. nasai ta e.. a nenah khuai..naphul e.. (a) Kakiang..ah sang..mang la ing e..laamtui ciantual aa tu e (b) Tengkawi kamkei dungsun aw e... nahnuai..vai bang ..tham aw e (a) Ciau ii gal aa..sawmsial aw e...tang zai..tha aa..kha kia e...(b) Gun laknuai aa..sawmsial aw e..nadeih teng ..leeng bang zawl ee. (a) Ciau ii gal aa..sawmsial aw e..na tat ..na ken..liang aw e (b) A mual..zum ziu .ziau nuai ..aa ee..cin tawh.. khiap in..valaang e.. (a) A sa ..minthang.. zua pa aw e..pa thai...ang na...ngai nam aw (b) Leng van..aa kai..vonmom. .aw e.. tun nun..khum na..ngai nam aw.. (a) A sa..ngal pa..aw ci veng e...sang sa..ngal pa..aw cing e...(b) Na ha..pha lua ta e..hau tan..go thul..a sia e.. (a) A sa..ngal pa..aw ci veng e...zua pang..mai ah..ngo sai..pa bang..ciang na e..(b) Khual leh..tual aw.. laam bang  ..vel ve aw..laimi..ka hen..sang in..kamin..singkhua ..aa lawi..bang thang e.. (a)  Phialva no phial va no aw e, zuanglui aa phial va no e (b) Atak keel sawm in ai ing e..amul sawmsial kasimna phial va no e (a) Asa lang e sa lang veh e, zangsa minthang sa lang e (b) Zangsa minthang kalak aw e, laihen sang lah thang zaw e (a) Vaangkhua al bang man nua aa e, ciaugal sawmsial hawl nang e (b) Cin leh katuai lap luang aa e,sumtual ah sai bang lam e (a) Ih lo lui aa vangeii aw e,pengpe lui aa vangei aw.(b) Api kai e nokai ealva sawn san singseng e. (a) Tanggual nihthum kakholh nin easa minthang tuak ing e,(b) Amual asang ah khiang ing eapiau zangah suihlung dam nah e. (a) Nunlui khua leh thak khua galsial bang kidon cin khua beeltui bang so lua sang e. (b) Dimtui ih tuanglam lai-ah gam tulta aw  sangkap simna zang sakamkei gial aw e.. (a) Kotkawl pangpi leh sumtual nahlun lai-ah zamzing po a gual sing aw e.(b) Zamzing po leh sau nunnuam thangnen dolcial sawmsial simna tulhoih sunni liap bang e. Leitung sum kizuak te lakah a manpha pen, Tanghlai-van, vanlui ahi hi. Tuma kum-zatampi lai aa khuapi-luite to kik uh hi. Amau nuntak khuasakdan leh azat-vante kaikhawm uh hi. Tua van pen leitungah a manpha pen ahi hi. Tulaitak iin pupa-ngeina te nitum-kuan bang iin manghiaihiai hi.A khangtogam te huzaap mitsuan iin ih ngeina lui te kimaizumpih mahmah hi. Ahih hang iin ih zonnop-hun, ih theihnop mahmah hun hong om ding hi. Tua ahih ciang iin khangno te in, Vanlui-kholna kici Museum neihhuai kasa mahmah hi. Thang Siangh zogampalpi