Asian Van zuakna Sumbuk (Asian
Grocery Store) bawlna ah theih huai thu:
Tual
Khan Suan
Mihingte
in “Lo no na mun leh tui siang na mun” zongin a lal kawikawi i hihna zui-in
Zomite zong United States of America (USA) gam leh a khangto gamte (developed
countries) ah nuntakna nuam zaw zongin i lal khia hi. I tunna mun leh gam thak
ah na khatpeuh i sep ding tak ciangin thukhun tawh kituak (legally) a na sep
vive hi a, utna leh lawpna bek suangin na kisem theilo hi. Thukhun (law) leh
lamlahna (guidelines) zui in na i sep tak ciangin a na semte mahmah zong tua
thukhun in hong humbit kik in, matutna om zaw hi.
Zomite
a kipan minam dangte zong gamdang i tun hangin i ngeina an leh meh, nek leh
dawn, silh le teen mah kilung gulh zaw veve a hih manin tuate a kingah theihna
sumbup (store) ah van kilei zaw hi. Tua hi a, i duh i deihte ngah theihna
dingin sum zong pai zong mite in sumbuk (store) bawl nasep tawh sum zong mi ki
tam mahmah khin ta hi. Asian Vanzuakna Sumbuk ( Asian Grocery Store) bawlna
tawh nek zong mite’ theih huai leh a kigin kholh huai thu pawlkhat a haampi in lamlahna
i gen dinghi.
Sumbuk
a huampi a etna (Business Overview)
Asian
Vanzuakna Sumbuk (Asian Grocery Store) pen Asia mite’ nek le dawn a duh mite in
nisim huan ding an, meh leh van tuamtuam a lei theihna ding mun a hihi. Tuate
sungah Coffees, Niangteh (tea), moh a tuamtuam leh Chips ( Tamnem an), anteh lo
hing (produce), meh limza (spices), tangal nam (sauces), tui dawn nam (beverages)
leh sa (meats) a kipan zuak theih a tuamtuam kihel hi. Neek leh dawn lam zuakna
sumbuk a hih bangin an leh meh huan a kivaa, a siam mite a dingin lawhcin nang baih
zaw hi.
Sumbuk
nei mi in van zuak, van lei mite tawh kizopna hoih kisam hi. Dawrkai mite
(customers) i dotna leh lunghiangna (concerns) a om hun in zahtakna leh a hun
lap in dawn kik ding thupi hi. Tua banah sumbuk nei khat in: (1) Van velna
(inventory control) nei in, a kisap hun in vaikhak kik ding, (2) Vanman pen a
kimu theihna tau (shelve) ah suang ding, (3) Sumbuk sung pen kician takin koih
sitset ding (clean & Orderly), (4) Mite theih dingin lakkhia (advertise) ding,
(5) Van zuak ding nam teel siam ding, (6) Sum thahatna (financial) enkai ding
leh a kisam dangte mit phialo a encik siam ding kulden hi.
Asian
Sumbuk nei mi in a ngim masak dawrkai mi (targeted customers) pen Asian an leh
meh, nek leh dawn a duh a deih mite hi masa hi. Tua a hih manin sumbuk bawlna
ding mun kim-ah Asia nek leh dawn a duh a deih mi a tam leh lawhcinna baihzawh
hi. A hizongin lahkhiat (advertise) zawhna leh van zuak ding nam tuamtuam
hangin mite in sumbuk hong zuan thei vive hi.
Sumbuk
Sai pen vanzuak nam zah pan a met (profit) sum kingah a hih manin van zuaknamte
(inventory) leh kidempihte’ (competitors) van zuak namte kansiam a, telkim ding
kisam hi. Dawrkai mite kisapna piak zawh leh piak zawhloh na in lawhcinna leh
lawhsapna khensat thei hi.
Asian
Vanzuakna sumbuk nei khat in sum zonna ding tupna mun ( targeted market),
khantohna ding gelna (growth potential), kipatna sumbulpi a bei ding (startup
costs), thukhun zui a na sepzia ding gelna (legal consideration), dawrkai mite
tawh kizopna (customer Services) a kipan a kisam dangdangte gelkholhna tawh sep
siamna pen lawhcinna ding lampi a hihi.
Sumbuk
hon kipatna (Getting Started)
Asian
Sumbuk Sai (Asian Grocery Store) pen tam khin leh sai lianpipite ah Asian nek
le dawn kingah thei a hih manin kigin kholhna hoih kisam hi. Sumbuk i ngim
dawrkai mi (targeted customers) te kisap teng zuak zoh ding thupi pen hi. Sumbuk
honna ding mun (location) teelsiam kul hi. Sumbup bawlna tawh sum zong ding
mite in hih a nuai a kalbi-te (steps) zui in sep ding kisam hi.
1.
Sumbawlna
ding gelna leh mun (Business plan & Location): A kician gelna pen lawhcinna
dingin a sutpi pen a hihi. Tuate sungah kipatna sumbul bangzah bei ding, sumbuk
ah van lei mite kuate hi ding, sumbul bei zah ngah kikna ding bangtan hun la
ding cihte gel kholh kul hi. Sumbuk tawh sumbawl mite lawhcinna dingin in mun
(location) hoih kisam a hih manin mun hoih zon ding kisam hi. Mun hoih ban-ah
minam omzia (demographic) en a van hong lei dingmite tawh kinaina mun zon ding
thupi hi. Hi theileh, mi tampi vanleina (shopping center) kim, an sai
(restaurant), coffee sai, moh sai (bakery) leh sumbup van zuakna mun tawh kinai
mun hileh hoih pen hi.
Mun
(location) saap a sumbuk bawl ding a hi a, inn (building) lei a, tua mun pen
sumbuk a zang ding ahi zongin, thunei kumpi pan in luah deihna ding lai (Certificate
of Occupancy-CO) kisam thei hi. CO i cih pen kumpi lam pan in sumbuk bawl theihna
ding a zoning, building codes leh kumpi thukhun (regulations) tawh kituak mah
hi cihna lai a hihi. Mun (location) saapna ah CO pen mun nei (Landlord) te’n a
lak ding vaipuak nei zaw hi. Mun na saap ma in mun neite kiangah CO a hong pia
thei or hong lak sak thei ding uh hiam cih kigen cian masak hoih hi. A inn (building)
lei sumbuk nei mite in a mau le a mau local thunei mite tungah CO a lak ding uh
kisam hi.
2.
Company
khat phut ding (Form a legal entity):
Sumbawlna min khat neihna in na sumbawlna tawh kisai in liau sum piak kulna mun
a om khak zenzen leh mimal neihsa leh lamsa tawh kisai lo in sumbuk nei mite
dal/hu hi. Company phuhna ah i sep ut leh sum ngahna tung pan kumpi tungah siah
(tax) piak ciangin sumbuk nei mi i mettna ding leh liuana baina a om teh a hum
zo pen ding entity khat telsiam ding hoih pen hi. USA gam ah sumbawlna ding
Company kilam zia nam tuamtuam a nuai a bangin kumpi in phalna nei hi.
Business structure
|
Ownership
|
Liability
|
Taxes
|
Sole proprietorship
|
One person
|
Unlimited personal liability
|
Personal tax only
|
Partnerships
|
Two or more people
|
Unlimited personal liability unless structured as a
limited partnership
|
Self-employment tax (except for limited partners)
Personal tax
|
Limited liability company (LLC)
|
One or more people
|
Owners are not personally liable
|
Self-employment tax
Personal tax or corporate tax
|
Corporation - C corp
|
One or more people
|
Owners are not personally liable
|
Corporate tax
|
Corporation - S corp
|
One or more people, but no more than 100, and all must
be U.S. citizens
|
Owners are not personally liable
|
Personal tax
|
Corporation - B corp
|
One or more people
|
Owners are not personally liable
|
Corporate tax
|
Corporation - Nonprofit
|
One or more people
|
Owners are not personally liable
|
Tax-exempt, but corporate profits can't be distributed
|
Company
min (legal entity) khat ngah khit ciangin sumbuk min dingin tua kumpi tunga minkhum
(register) zong kizang thei pah hi. Tua a hihkei leh zong “Doing Business As
(DBA)” ci-in min dang khat kizang thei hi. DBA pen na company min nuai a, “min
sel” or “trade name” a kizang thei a hihi.
Company
min (legal Entity) i phuat ding tak ciangin i sep sawm sum bawlna nam zui in
legal entity kilam zia (structure) sung pan a hoih pen leh a kituak pen i tel
theihna dingin Business lawyer, Certified Public Accountant (CPA) dot masak
hoih hi.
3.
Siah
piakna ding min khumna (Register for Tax) leh Thukhun i kisapte (Legal
Requirements): Sumbuk honna ding kisam phalna
permit, license leh thukhun pen na tenna gamke (state) zui in mun khat leh khat
kibanglo thei hi. Na tenna gamke (State) a Department of Commerce and Licensing
ah dot ding hoih pen hi. Gamke (State) pawlkhat ah na sumbuk hon ma in cidamna
lam tawh kisai (state health Department) leh mei phelh (fire Department) in a
sit masak kisam hi. A lo theilo a kisam pen Federal Employment Identification
Number (EIN), Business License ( County & Local Sale Tax) leh Business
Insurance policies a hihi. Local Sales Tax (County + City tax) pen khasim in
piak kul a, State +Federal Income tax pen kumtawp ciangin kipia thei hi. Note:
Local Sales Tax Rates pen na tenna gamke ah Department of Commerce tungah dot
ding hoih pen hi.
4.
Vanzatte
(Equipment): Sumbuk
kipatna dingin van kisam bulpi (equipment) pawlkhat neih kul hamtang hi. A tawm
pen in: (i) Sum piak, sum sanna ( Cash Register) or Point of Sales system (POS)
(ii) Cooler leh Refrigerator, (iii) Van koihna tau (shelves), (iv) Shopping
Baskets and Carts kisam hi. (Hih van kisamte pen local dealer or online pan
zong kilei thei hi.) POS system zang le ci’n van velna (inventory control)
nuam zaw hi. Sales Tax Rate leh van zuakna koih dan zong hong huh thei uhhi.
5.
Sumbuk
min in Bank account (Business Bank Account): Sumbuk min tawh bank account a tuamna neih manin na
sum bawlna ah metna leh supna khatpeuh peuh ah nang mimal neihsa tawh kisawh
khalo in, na khonung buai kei zaw ding hi. Na kizoppih van leina, van lei mi/
dawrkai (customers) te’n zong hong muang zaw ding hi.
6.
Sazian
leh lai kepna (Accounting & Documentation): Sumbuk tawh kisai sum ngahna leh
sum zatna pen hoih tak a ciapteh sitset man in sumbawlna ah a met leh a metloh
ki sittel thei pan hi. Khasim a sumlut tawh kituak a gamke phiangsiah (state tax) piak ding leh kumtawp ciangin Kumpi tunga na sumlut tawh
kituak a phiangsiah piak ding gelna hong huh hi.
7.
Vanman
ciangtanna ( Pricing):
Sumbuk pan sum met ngah teng tawh munsap, mei leh tui man ( Utilities bills),
Internet leh Insurance banah khasum piak ding tawh tehkak a geel siam kul hi. I
kim leh kiang a om sumbuk dangte a tawh kidem i hih manin van man sang lua pen
van lei ding mi hong pailo thei hi. A met pen ding bek hilo in vanlei mi hong
kibeh lapding tawh tehkak a vanman
ciangtan kul hi.
8.
Vanlakna
(Suppliers) zonna:
Asian Sumbuk sai van a hawmkhia (distributors) pen mun nih mun thum ah kizoppih
neih hoih hi. Mun khat leh nih bek pan-in i zuak ut leh i deih kicing ki ngah lo
thei hi. Tua banah Suppliers khat leh khat zong van man kibang lo a hih manin
mun khat a tam man pen mun dangkhat ah tawm man zaw thei hi. Asian Foods Distributors
pawlkhat: LA Lucky, CA, US Trading (CA), Eastland Food, Golden Country (IL),
Gusto Food leh a dangdangte etkak ding hoih hi.
9.
Advertising: Mi tampi in a hong theihna dingin
Social Media leh laikhak zangin advertise bawl ding hoih hi. I omna mun
(location) bek hilo in, i van zuak namte mite’n hong theih dinguh thupi hi.
Sumbuk sunga van koihna ah zong mite muh baih ding in koih siam kisam hi. Tua
ban-ah, sumbuk sungah vante zong a namnam a khen dimdiam leng dawrkai mite
(customers) in zon nop sa uh hi. E.g. An huan nam, tui dawn nam leh van keu nam
cih bangin khen ding kisam hi. Gawm zezua lo ding hi.
Sumbuk
pan sum met ngah beh zawh na dingin an nek tui dawn bek hilo in um leh bel,
mite nisim kisap van namte koih beh zoleng mi lunglut zaw lai hi. Van namtam
koih leng mite in hong pai zaw hi.
Sumbuk
bawlna tawh sumzonna pen Kumpi thukhun tawh kituak a sumzonna nam khat a hih
bangin i tenna mun leh gamke a zuih ding thukhun, ngeina leh paidante hoih tak
in zuih siam kisin kul hi. A kizuak vante zong a hunbei om thei a hih manin van
vel zawh kul hi. Mite a dingin nuntakna a piangsak an nek tuidawn a kizuakna
mun a hih manin cidamna tawh kituak ding in nasep gamtat kisam hi. Mite kisap,
duh leh deih a pia zo sumbuk a hih nak leh mite hong pai kikkik ding hi.
Note: Hih Article pen Date May 10,2019 a ka gelh hi a, Zomi Innkuan USA bawl E-Handbook ah kisuah khin hi.
