Biakna leh minam a ding na sepna

Tual Khan Suan

Kawlgam ah Phongyi te ( Monk) in September,2007 pan in kawl galkap kumpi tungah lungkim lohna lahna in lungphona ( sandahpyah) hong kipat uh ciangin a pualam mi ( biakna nasem lo mite cihna hi) lungsim hong sukha mahmah a, ngaihsutna leh muhna tuamtuam hong nei sak hi. Phongyi ( Monk) te pen Buddhism biakna a dingin siampi zaa ngah a, biakna nasem ding ngiat a kipia khia mite a hih uh teh hih bangin lungphona hong kipat ciangun biakna nasem mite in leitungvai, minam leh gam vai ah ki kausi phum ding in kilawm mah hiam, a hih kei leh leitung kumpi vai tawh kisawh khalo in biakna huang sungah dai tak in om hithiat ding hi zaw lo ding hiam cih bang ngaihsutna hong nei sak hi. A hih hangin ei mipi te muhna leh a mau saanna kibang hetlo a, lungphona a kihel Phongyi khat in Associated Press (AP) thuthak saite kiang a genna ah “ ko pen mihingte nuntakna hoihna ding bek hilo in, Phongyi te in democracy ngahna ding hanciamna leh mipi te in a mau mailam ding a mau deihna bang a, a teel theihna ding ngimna tawh” lungphona ngei hi ung ci’n September 19,07 ni’n na gen hi.
Read more »
By on

~ ~

Ngeina kideep mangna:

Tual Khan Suan

“ Nu, ka pa’n, kei lai hong hilh theihna dingin phalna lai ( certificate) neilo hi” naupangno kum (7) pawl khatin a nu kiangah a gen;
“ Hei, Zo Taang ( a min man hilo), TV hong dih ve” naupangno kum (4) kim khatin a pa lawmpa tungah a gen;
Read more »
By on

~ ~

Invitation to the Chin National Assembly

The Convening Committee Chin National Assembly

To.
Pu Tual Khan Suan
Subject: Invitation to the Chin National Assembly

Dear Sir,

We are pleased to invite you to participate in the Chin National Assembly to be held as on May 8-11, 2006 at Indo-Burma border organized by Political Affairs Committee of Chinland (PACC) i.e Chin National Front, Chin National League for Democracy (Exile), Mara People Party (Liberated Areas) and Zomi National Congress (Liberated Areas) according to the resolution of the Seminar on Chin Consensus Building on 7-10 April 2004.
The objectives of the assembly are as below:
Read more »
By on

~ ~

Kawlgam bup khawmpi ( National Convention) in koi lam hong paipih hiam?

By Tual Khan Suan

Kawl gambup vaihawmna ding thukhunpi pen 1947 kum in Anti-Facist People’s Freedom League (AFPFL) makaihna tawh khat vei, 1974 kum in Burma Socialist Program Party (BSPP) makaihna tawh khat vei, a gawm in nih vei kigelh a, Kawlgam in mikang te thuneihna pan suahtakna a ngah khit a kipan tu ni ciang dong thukhunpi (Constitution) nih a nei ngei kisuak hi. 1948 kum a kipan kizang kawlgam thukhunpi pen 1962 kum galkap mang Gen. Ne Win makaihna tawh galkap in Democracy kumpi khutsung pan in gambup thuneihna a suh khiat khit ciangin kizang thei nawnlo a hih manin kum (14) sung dam a, 1974 kum a kigelh thu khunpi leuleu pen 1988 kum galkap mangpi mah a hi Gen. Saw Maung makaihna tawh gambup thuneihna a suh khiat leuleu uh ciangin kizang nawnlo leuleu a hih manin kum (14) sung mah dam leuleu hi. Tua a hih manin I kawlgam ah gam bup thukhunpi nih vei kibawl ngei a, a nih tuak mah in a dam kum uh ( Kum 14 tuak mah dam hi) ki kim hi.
Read more »
By on

~ ~

News Commentary on “ Peace talk between CNF and SPDC”

By Tual Khan Suan ( Suanpi)

Sisan naisan luanna leh hiamgamhna khempeuh pen a kibang tawh thukkikna pan thu zawhna kingah lo a, thu dam, la dam tawh holimna bek pan in thu tawp kibawl thei in thu kikhum zo pan hi. Khonumthung News Agency pan in February 12, 2007 nimit tawh CNF leh SPDC te “ kilemna ding holimna ( talk for peace)” pen March 15,2007 in Indo- Burma gamgi mun khat ah bawl ding uh hi, cih hong suah khiat uh ciangin mipi te in gam sungah kilemna taktak hong pian khiatna ding deihna in lungdamna, lawpna leh dipkua kawm in kilung lut mahmah tek hi. CNF leh SPDC te in kilemna man taktak hong nei le uh, gamsung mipi te’n nisim nek leh taak zonna ah lungmuanna ngah ding a hih lam zong mipi te a dingin muanmawhna om het lo hi.
Read more »
By on

~ ~

Democracy leh tanh kikimna ( Democracy and Equality)

Tual Khan Suan (Suanpi)

Mi pawlkhat genna ah i kawlgam in Democracy ngah leh zong ei Zomi te a dingin bang phattuam pih tuan kei ni ci uh hi. Pawlkhat leuleu in lah ei Zomi te’n phattuamna i ngah theihna dingin kawlgam ah Democracy om kei leh lampi dang om tuanlo hi, ci’n nuntakna phal liangin na sem uhhi. Hih thu nihte en leng, koi man zaw a, koi khial zaw hiam cih ding om tuan lo hi. Kawlgam sungah Democracy vaihawmna bek tawh i ki-uk zongin ei Zomi te a dingin tampi tak i phattuam pihna om lo khin sa hi a, Democracy omlo in lah ei Zomi te phattuamna ding lampi dang omlo bek hilo in, tulai tak i thuakna te’n thu hong gen khin zo zel hi.
Read more »
By on

~ ~

Zomi Christian Church (ZCC)

Zomi Christian Church (ZCC)

Kikhen thang a eima vai bek na sepna pen mi pawlkhat in khantohna in a muh lai tak un, USA gam sung a Tennessee leh Kentucky a teng Zomi te in kipawl khawm a na sepna pen khantohna hizaw hi ci’n mu uh hi. I paunak sungah “ Nupa kilung tuak khua khat in zolo, khua khat kilung tuak khua kua in zolo” cih a om bangin i omna mun ah i tawm i tam zongin kipawl khawm siam peuh leng i hihna leh i biakna kikem cingzo ding cih zong Zomi te in kiphawk ciat hi.
Read more »
By on

~ ~